PM:04:34:26/01/2022
1016 جار خوێندراوەتەوە
+
-
نووچەگەهانێ ئێن ئار تی
ڕاگەهاند، ئەڤرۆ گرتیگەها غوێران ب تەمامی هاتە کۆنترۆلکرن.
کاوە ئەدهەم نووچەگەهانێ
ئێن ئاڕ تی ل ڕۆژئاڤایێ کوردستانێ ڕاگەهاند، هەیا سپێدەهیا ئەڤرۆ ژی شەڕ و ئالۆزی
هەبوون، لێ د نها دا گرتیگەهـ ب تەمامی کەفتیە دەست هێزێن ناڤخۆ و هەسەدێ دا.
دیارکر ژی، د نها دا چ
شەڕ و پەڤچوونەک نینە و هێز خالێن خۆ بنەجهـ دکەن و بالەفرێن هەڤپەیمانان ژی ب بەردەوامی
چاڤدێریا ڕەوشێ دکەن و لسەر ئەسمانێ دەڤەرێ دگەرن.
دەما حەفتیەکە هەژمارەک
چەکدارێن داعش هێرشێ سەر گرتیگەها غوێران کر کو نێزیکی پێنج هزار چەکدارێن داعشێ تێدا
گرتینە، د ئەنجاما هێرشێ دا هەژمارەکا زۆر ژ چەکداران ڕەڤیان و پشتڕا بەشەکێ زیندانێ
کەفتە دەستێ وان دا و ئەڤرۆ ژی پشتی چەندین شەڕ و ئالۆزیان کۆنترۆلکرنا گرتیگەهێ
هات راگەهاندن.