PM:02:08:26/01/2022
804 جار خوێندراوەتەوە
+
-
یاریدەدەرێ سەرۆکێ زانکۆیا سلێمانیێ
ڕاگەهاند، بەرهەڤی بۆ دەرمالەیێن خواندەکاران تەمام بووینە و چاڤەرێ پارەی دکەن
هەیاکو پارڤە بکەن.
پێشرەو حەمەجان یاریدەدەرێ سەرۆکێ زانکۆیا
سلێمانیێ بۆ ئێن ئاڕ تی ڕاگەهاند، بەرهەڤی ل وەزارەتا خاندنا بلند و دارایی بۆ دەرمالەیێن
خواندەکاران تەمامبووینە.
ل گۆرەی گوتنا پێشرەو حەمەجان، "وان دوو
وەزارەتان گوتینە کو بتنێ رازیبوونا جڤاتا وەزیران مایە بۆ وێیەکێ بڕیارا شێوازێ
پارڤەکرنێ بدەن بۆ دەرمالەیان و بەشێ ناڤخۆی".
ئاماژە ب وێیەکێ ژی کریە، "دێ ب سێ
شێوازان دەرمالە هێنە پارڤەکرن کو ژبوی خواندەکارێن دەرڤەى باژێری کو بەشێ ناڤخۆی
وەرگرتینە و ئەوێن بەشێن ناڤخۆی وەرنەگرتینە و خواندەکارێن ناڤ باژێری نە".
بەحسا وێیەکێ ژی کریە، "چاڤەرێ نە د
دەمەکێ نێزیک یێ داهاتی دا دەرمالەیێن مەها ئێک بگەهیتە دەستێ مە و پارڤە
بکەین".
ل داویا سالا دەربازبووی خواندەکارێن زانکۆ و
پەیمانگەهێن هەرێمێ خۆنیشاندانکرن و هاتنە سەر جاددەیان و داخازا پارڤەکرنا
دەرمالەیان دکرن، هەیا وی دەمێ حکومەتا هەرێمێ لژێر فشارا خواندەکاران بڕیارا
پارڤەکرنا دەرمالەیان ڕاگەهاند.
گۆران لوقمان، سلێمانی