PM:10:06:07/11/2025
652 جار خوێندراوەتەوە
+
-
د داوی رۆژا بانگەشەیا هەلبژارتنێ دا، سەرۆک وەزیرێن عێراقێ، پەیامەک
دەربارەی وێ پڕۆسەیێ بەلاڤکر و داخاز ژ وەلاتیان کر پشکداریێ د هەلبژارتنا
پەرلەمانێ عێراقێ دا بکەن، کو بڕیارە ل ١١ـی ڤێ هەیڤێ بهێتە ئەنجامدان.
ئەڤرۆ ئەینی، محەمەد شیاع سودانێ، سەرۆک وەزیرێن عێراقێ ڕاگەهاند، هەلبژارتن
مولکێ هەوەیە و دەنگێن هەوە بنیاتێ پڕۆسەیا دیموکراسیێ نە و هوین بخۆ خۆدانێن
بڕیارێ نە.
گوت ژی، پشکداریکرن د هەلبژارتنێ دا دێ بیتە پەیامەکا روون بۆ عێراقەکا
نوی، کو وەلاتیێن وێ دڤێت ب ئاشتیێ دەست ب دەستیا دەستهەلاتێ بهێتەکرن ب رێکا
سندووقێن دەنگدانێ.
ئاماژە ب وێ یەکێ ژیکر، لسەر گوپیتکا قۆناغەکا گرنگن بۆ پەیڕەوکرنا مافەکێ
دەستوری، مافێ هەلبژارتنا وان کەسانە کو نوینەراتیا وان دکەن.
هەڤدەم بڕیارە رۆژا ئێکشەمبی، زێدەتر ژ ملیۆنەک و ٣١٣ هزار و ٩٨٠ سەرباز و
هێزێن ئەولەهیێ و ئاوارە پشکداریێ د دەنگدانێ دا بکەن، و هەروەسا رۆژا سێشەمبی
دەنگدانا گشتی بۆ خولا شەشێ یا پەرلەمانێ عێراقێ دێ هێتە ئەنجامدان.