PM:04:04:07/11/2025
1252 جار خوێندراوەتەوە
+
-
گووتارا سەرۆکێ ڤەلڤینا نەوی نوێ دەستپێکر، شاسوار عەبدولواحید
دبێژیت، "زیندانکرنا من زەلالترین بەلگەیە لسەر ترسا دەستهەلاتێ ژ ڤەلڤینا
نەوەی نوێ، د ڤێ زیندانێ دا ب مۆڕالەکا تژی ئیرادە ڤە دبێژمە هەوە هەڕڤینا ڤێ
دەستهەلاتێ گەلەک نێزیکە".
ئەڤرۆ ئەینی، دەمژمێر
سێی پشتی نیڤرۆ داوی بانگەشەیا نەوەی نوێ دەستپێکر و ب گوتارەکا سەرۆکێ ڤەلڤینا
نەوەی نوێ برێڤەچوو، شاسوار عەبدولواحید د گوتارا خۆ دا گوتی، "دەستهەلات
وەسا دزانیت ب زیندانکرنا من، رێکێ ل هەڕڤینا خۆ دگرن، د ڤێ زیندانێ دا ب مۆڕالەکا
تژی ئیرادە دبێژمە هەوە هەڕڤینا ڤێ دەستهەلاتێ گەلەک نێزیکە، پشت بخودێ ١١ی ١١ دەستپێکا
وێ قۆناغێ دێ دەرکەفیت".
گوت ژی، دێ ئینمە بیرا هەوە بانگەشەیا بەرێ یا دەستهەلاتێ چەند درەو
کرن و ئەم ژی راستگۆبووین، بەدیلێ راستیێ دەستهەلاتێ، نەوەی نوێ یە.
دبێژیت ژی، پارتی و یەکێتی دێ مللەتی هەمیێ گۆهرن ژپێخەمەت پۆست و
پارەی، یا کو وان ٥٠ سالان بسەر کوردان دا ئینای، دوژمنێن کوردان ئەو نەکریە.
تەکەز ژی ل وێیەکێ کر، "زیندانکرنا من زەلالترین بەلگەیە ژ ترسا
دەستهەلاتێ ل ڤەلڤینا نەوەی نوێ" گوت ژی، "ئەڤ دەنگدانە داوی دەلیڤەیە و
تا چار سالێن دی دووبارە نابیتە ڤە، دەستهەلاتێ ترس هەیە ژ وێیەکێ کو زۆرترین
وەلاتی بچنە دەنگدانێ و دەنگی ب نەوەی نوێ بدەن".
ئاماژە ب وێیەکێ ژیکر، "گۆهرین د دەستێ خەلکێ دایە، هوین دشێن
دەستهەلاتێ بگۆهرن".