PM:12:01:07/11/2025
1004 جار خوێندراوەتەوە
+
-
کۆمسیۆنا بلندا سەربەخۆیا هەلبژارتنان دبێژیت، سوبەهی قۆناغا
بانگەشەیا هەلبژارتنێ دێ ب داوی هێت و قۆناغا بێدەنگیێ یا هەلبژارتنێ دەستپێ دکەت.
ئەڤرۆ ئەینی،
کۆمسیۆنا بلندا هەلبژارتنان راگەهاندیە، سوبەهی شەمبی دەمژمێر حەفتی سپێدێ،
بانگەشەیا هەلبژارتنێ دێ ب داوی هێت و قۆناغا بێدەنگیا هەلبژارتنێ دەستپێ دکەت و
پشتی وێ قۆناغێ ژی پرۆسەیا هەلبژارتنێ دێ ب دەنگدانێ ب داوی هێت.
هەروەسا، د ڤێ قۆناغێ دا هەمی لایەنێن سیاسی دهێنە پێگیر کرن ب داوی ئینان
ب بانگەشەیێ بۆ حزب و بەربژێرێن خۆ، د هەڤبەر دا راگەهاندن تیشکێ بئێخنە سەر
هایدارکرنا وەلاتیان دەربارەی چەوانیا پشکداریکرنێ د وێ پرۆسەیێ دا.
بەری نها ژی حەسەن هادی زایر، ئەندامێ تیما راگەهاندنا کۆمسیۆنا
هەلبژارتنان گوتی، هەر لایەنەکێ پێگیر نەبیت ب قۆناغا بێدەنگیا هەلبژارتنێ، دێ
هێتە سزادان و چێدبیت سزایێ وی تا ئاستێ دویرخستنێ بچیت.
ئەڤە ژی د دەمەکێدایە، بڕیارە رۆژا ئێکشەمبی دەنگدانا تایبەت ل
هەلبژارتنا پەرلەمانێ عێراقێ برێڤە بچیت، دیڤدا ل رۆژا سێشەمبی ١١ی ١١ پرۆسەیا
دەنگدانا گشتی برێڤەبچیت.