AM:10:39:18/01/2025
260 جار خوێندراوەتەوە
+
-
وەزارەتا کارەبا حکومەتا ڕێڤەبرنا کارێن هەرێمێ
راگەهاند، سپیدەهیا ئەڤڕۆ پەستانا گازێ بۆ وێستگەهێن بەرهەمئینانا کارەبێ ئاسایی
بوویە، نها ٣ هزار و ٧٥٠ مێگاواتێن کارەبێ دهێنە بەرهەمئینان.
ئەڤڕۆ شەمبی ١٨ـێ کانوونا دووێ، وەزارەتا کارەبا حکومەتا
ڕێڤەبرنا کارێن هەرێمێ راگەهاند، دەمژمیر ٨ێ سپێدەهیا ئەڤڕۆ پەساتانا غاێ بۆ سەر
وێستگەهێن بەرهەمئینانا کارەبێ ئاسایی بوویە و کۆمپانیا دانەغاز چاکسازی ل زەڤیێن
کۆرمۆر تەمام کرینە و ئاستێ بەرهەمئینانا کارەبێ ئاسایی بوویە و نها ٣ هزار و ٧٥٠
مێگاواتێن کارەبێ بەرهەم دئینیت.
ئەڤە دەمەکی دایە، شەڤا بووری وەزارەتا کارەبێ راگەهاند،
د کڤانێ پەرەپێدانا زەڤیێن کۆرمۆر بۆ بەرهەمئینانا غازێ، بۆ دەمێ ١٠ دەمژمێران پەستانا غازا کۆرمۆر کێمبوویە، ژبەر هندێ ٧٥٠
مێگاواتێن کارەبێ کێمبووینە.
نها حکومەتا ڕێڤەبرنا کارێن هەرێما کوردستانێ زێدەتری
هزار و ٢٠٠ مێگاواتێن کارەبێ ب پارێزگەهێن عێراقێ دفرۆشیت، دەمەکی دا ل هندەک
دەمان د شەڤ و رۆژەکان دا وەلاتیێن هەرێمێ بتنێ نێزیکی پێنج دەمژمێران کارەبا
نیشتیمانی هەیە.