PM:01:26:24/07/2021
1868 جار خوێندراوەتەوە
+
-
ڕێڤەبەرێ گومرکێن
هەرێما کوردستانێ ڕاگەهاند، رادەستکرنا داهاتێن هەرێمێ ب بەغدا "راست نینە"،
دبێژیت ژی، ل گورەی داهاتێن چاڤدێریا داراییا بەغدا و هەرێمێ عێراق پشکا هەرێمێ دێ
ژ داهاتان شکێنن.
"پشتی بەلاڤبوونا نووچەیەکی کو هەرێمێ داهاتێن
گومرکی رادەستی حکومەتا عێراقێ نەکرینە"، ڕێڤەبەریا گومرکێن هەرێمێ
زەلالکرنەک بەلاڤکر، "هەمی ئالیەکی هایداردکەین د کڤانێ وان پابەندیێن دارایی
یێن کەفتینە سەر حکومەتا هەرێمێ لهەمبەر بەغدا، حکومەتا هەرێمێ و شاندێن سەرەدانێن
هەڤبەش چاڤدێریا داراییا هەرێمێ و ناڤەندا تەڤایا داتا و زانیاری و داهاتێن
دەروازەیێن هەرێما کوردستانێ ئێخستینە پێشیا وێ تیمێ".
گومرکێن هەرێمێ ژی ڕاگەهاندیە، "ل گورەی داتایێن
حکومەتا ناڤەندی د بودجەیێ هەرێما کوردستانێ دا کوژمێ وان داهاتان دێ ژێ هێتە
شکاندن".
ئەوژی دیارکریە، "ئەف رێکارە دێ ل گورەی یاسایا
بودجەیا سالا ٢٠٢١ هێتە جێبەجێکرن ئانکو لێبڕین و داهاتێن پەتڕۆلی و نەپەتڕۆلی راستەوخۆ
ژ وەزارەتا داراییا عێراقێ بن و ئەف پرۆسە ژ مەها ١ی ٢٠٢١ـڤە دێ هێتە جێبەجێکرن".
پشتی کو یاسایا بودجەی ل پەرلەمانێ عێراقێ هاتیە
پەسەندکرن، ل مەها دەربازبووی دیوانا چاڤدێریا داراییا بەغدا و هەرێمێ سەرەدانا دەروازەیێن
سنوری یێن هەرێمێ کر و بەغدا سلفەیەکا ٢٠٠ ملیاران دیناران بۆ هەرێمێ هنارتن، لێ
هەیا نها یاسایا بودجەی ب تەمامی نەهاتیە جێبەجێکرن.