سەرنووچە:

فلمە فیستەڤالا دهۆکێ هاتە پاشداخستن

PM:08:33:27/10/2021

492 جار خوێندراوەتەوە

+ -

بڕیارە ل ناڤەڕاستا مەها داهاتی هەشتەمین فلمە فیستەڤالا دهۆکێ بڕێڤە بچیت کو بۆ ئەڤسالە ٩٤ فلمێن ناڤخۆیی و بیانی هاتینە بەرهەڤکرن کو ٤٥ فلم کوردینە و ٤٩ ژی بیانینە.

لدویف کارنامەیا هەشتەمین فلمە فیستەڤالا دهۆکێ بۆ ئەڤسالە گرنگی ب ژینگەهێ دهێتە دانان هەیا کو ب هێمایێ فلمە فیستەڤالێ بلۆکەکە و دەوروبەرێن وی ب ئاخ و گیایی هاتینە نەخشاندن، ئەڤەژی دەربڕینێ ژ گرنگیپێدانا زێدەتر یا ژینگەهێ دکەت.

هەرچەندە بڕیار بوو ١١ ی مەها داهاتی فلمە فیستەڤال بڕێڤەچووبا لێ ژبەر چەند سەدەمێن تەکنیکی فیستەڤالا ناڤدەولەتی بۆ ناڤەراستا مەها داهاتی هات پاشداخستن، هەشتەمین فلمە فیستەڤالا ناڤدەولەتیا دهۆکێ دێ بۆ دەمێ حەفتیەکێ بەردەوام بیت، و ل دوو جهێن جودا فیستەڤال دێ بڕێڤەچیت کو جهێ سەرەکی هۆلا کۆنفرانسایە ل زانکۆیا دهۆکێ و بڕیارە چەندین هونەرمەند و سینەماکار و دەرهێنەرێن بیانی و ناڤخۆیی تێدا پشکداریێ بکەن و باشترین فلم دهێتە خەلات کرن.

گەلەری