سەرنووچە:

مەسرور بارزانی: بەغدا ب شەش مەهێن مووچەیێ فەرمانبەرێن هەرێمێ قەردارە

PM:07:24:27/10/2021

504 جار خوێندراوەتەوە

+ -

سەرۆکێ حکومەتا هەرێما کوردستانێ ڕاگەهاند، "حکومەتا عێراقێ ب شەش مەهێن مووچەیێ فەرمانبەرێن هەێما کوردستانێ ل سالا ٢٠٢٠ێ قەردارە".

ئەڤرۆ چارشەمبی، ددەمێ پێشکێشکرنا پەنەلەکی ل دیدارا مێری ل باژێرێ هەولێرێ بڕێڤەدچیت، مەسرور بارزانی سەرۆکێ حکومەتا هەرێما کوردستانێ ئاماژە ب وێیەکێ کر، ئەو د رەوشەکا خراب یا ئابوری و هاتنا کۆرۆنایێ و کێمبوونا بهایێ پەتڕۆلێ سەرۆکاتیا حکومەتێ وەرگرتیە و زێدەباری ئاستەنگان سەرکەفتینە.

گوتژی، "دەمێ مە ئەرکێ وێ کابینەیێ بستو گرتی، مە ڕاگەهاند کو دێ چکسازیێ کەین، دەمێ من نڤیسینگەهـ وەرگرتی، راستی چەندین ئاستەنگان بووین، ژ وان ژی: بەلاڤبوونا کۆرۆنایێ و داکەتنا بهایێ پەتڕۆلێ و داکەتنا کەرتێ بازرگانی و بزنسیێ، دگەل هەبوونا چەندین ئاریشەیێن ئەولەکاری ل دەڤەرێ، لێ دگەل وان هەمی ئاریشەیان، ئەم ل بزاڤێن خۆ یێن چاکسازیێ بەردەوامبووین، هەرچەندە کارەکێ ب ساناهی نەبوو".

مەسرور بارزانی تەکەزکریە، ئەم کارین ل چاکسازیێ سەرکەفتی بین و نە بتنێ قوناغێ دەربازبکەین، بەلکو کارینە رەوشا هەرێما کوردستانێ باشتر بکەین.

سەرۆکێ حکومەتا هەرێما کوردستانێ ل بەحسکرنا دەستکەفتێن کابینەیا حکومەتێ ئاماژە ب وێیەکێ کر کو مۆلەت ب چەندین پرۆژەیێن وەبەرهێنانێ داینە و چەندین ژێرخانێن بهێز بۆ خارنێ جێبەجێکرینە.

تەکەز ل وێیەکێ ژی کریە کو بەغدا د سالەکێدا شەش مەهان پشکا هەرێمێ نە هنارتیە و گوت، "بتنێ ل سالا ٢٠٢٠ی مووچەیێ شەش مەهێن فەرمانبەرێن هەرێما کوردستانێ نەداینە و بەغدا ژی زێدەتر ژ سێ ملیار دۆلاران قەردارێ مووچەیێ فەرمانبەرێن کوردستانێیە".

داخۆیانیا سەرۆکێ حکومەتا هەرێما کوردستانێ ددەمەکیدایە کو چەندین قەیرانان بەرۆکێ وەلاتیێن هەرێما کوردستانێ گرتینە ژ نمونەیان بلندبوونا پەنزینێ و کێمیا کارەبێ و خزمەتگوزاریان و قەیرانا سوتەمەنیێ و غازێ و خڕڤەبوون و خۆپێشاندانێن مامۆستایێن وانەبێژ و فەرمانبەرێن گرێبەست و سێ ئێکەمێن زانکۆ و پەیمانگەهان کو داخازا دامەزراندنێ دکەن.

ئەڤە ژبلی وێیەکێ کو حکومەتا هەرێما کوردستانێ دگەل هنارتنا ٢٠٠ ملیار دینارێن مەهانە ژ ئالیێ حکومەتا عێراقێ و بلندبوونا بهایێ پەتڕۆلێ نکارن ددەمێ خۆدا و ب دەمەکێ کورت مووچەیێ مەهانەیێ فەرمانبەران ب مەزیخیت.

گەلەری