سەرنووچە:

ژبلی پارتی و پێکهاتەیان؛ هەمی فراکسیونان جڤینا پەرلەمانی بجهـ هێلا

PM:02:30:27/10/2021

636 جار خوێندراوەتەوە

+ -

پەرلەمانتارەکێ نەوەی نوێ ڕاگەهاند، ژبەرکەتنا ئاخڤتنەکا بێ ڕێز ژ ئالیێ پەرلەمانتارەکێ پارتیڤە و داخاز بۆ سزادانێ، ئاریشە د پەرلەمانیدا دروستبوو و جودا ژ پارتی و پێکهاتەیان، هەمی فراکسیونان ڕوونشتنا پەرلەمانی بجهـ هێلا .

سیپان ئامێدی پەرلەمانتارێ نەوەی نوێ بەحسا وێ یەکێ کر، ژبەروێ چەندێ کو د ڕونشتنا دووهیدا ، پەرلەمانتارەکێ پارتی پەیڤێن کرێت بکارئینان و ئەڤرۆ پەرلەمانتاران داخازا سزاداناوی کرن، پەرلەمانتارێن پارتی دەنگ نەدا و ئاریشە چێبوو، ژبەروێ سەدەمێ هەمی فراکسیونان جڤین  بجھـ هێلا، جودا ژ فراکسیونا پارتی و پێکهاتن.

لدیڤ زانیارێن ئێن ئاڕ تی ژی، ئەو داخازا لیبۆرینا پارتی کری جهێ ڕازیبوونا پەرلەمانتاران نەبوو داخازا سزادانێ کریە و ئێخستیە دەنگمدانێ، لێ پارتی و پێکهاتە ٤٦ دەنگ بوون و ئالیێن دی ٣٢ دەنگ بوون، ژبەر هندێ جڤین بجھـ هێلان و دبێژن، "ڕشتن لسەر سزادانێ".

دووهی پشتی دەربازبوونا ٥٠ ڕۆژان پەرلەمانێ کوردستانێ جڤیا و دجڤینێدا کو بڕگەیەکا تایبەت بوو بئاریشێن مامۆستایێن وانەبێژ ڤە، لێ وەزیرێن پەروەردێ و دارایی ئامادەنەبوون، پەرلەمانتاڕێن نەوەی نوێ ژی ڕێک نەدا جڤین بەردەوام ببیت و جڤین ڕاگرت  وگۆت، دڤێت بڕیار بهێتە دان نەوەکو گفتوگۆ و ڕاپۆرت بهێنە دروسترن ، ئەویەک بەریا نها چەند جاران هاتیەکرن و پێتڤیە بڕیار بھێتەدان و بهێنە دامەزراندن.

مژدە مەحمود پەرلەمانتارا نەوەی نوێ بەحسا وێیەکێ کر، کو حکومەتێ داهات د دەستیدا هەیە و شیانێن دامەزراندنێ هەنە.

پشترا پەرلەمانی دووبارە جڤین دەستپێکرە ڤە ئاریشە دروستبوون و بگۆتنا پەرلەمانتاران، ئێک ژ پەرلەمانتارێن پارتی پەیڤێن کرێت بکارئیناینە و بەلاڤبوونا ڤێ چەندێژی نەڕازیبوونەکا زۆر ژئالیێ پەرلەمانتاران و وەلاتیێن هەرێمێ دروستکر.

هێرش قادر ، هەولێر

جـ ، عـ

گەلەری