PM:12:55:27/10/2021
616 جار خوێندراوەتەوە
+
-
مامۆستایێن وانەبێژ
بەردەوامن ژ خرڤەبوونان و ئەڤرۆ ڕێیا سەرەکیا دەروازێ پێنجوین گرت.
مامۆستایێن وانەبێژ
لدەڤەرێن جودایێن هەرێمێ بەردەوامن ژ خرڤەبوونێ و د نهادا پشکەکا زۆر ژ مامۆستایێن
وانە بێژ ڕێیا سەرەکیا پێنجوین گرتن و مامۆستایێن دیژی ل جهێن جودا جودا ژ هەرێمێ
لبەر دەرگەهێن پەروەردەیان خرڤەبووینە.
ئەو مامۆستا بەحسا وێیەکێ
دکەن، کودەمێ ١٧ ڕۆژن بایکۆتا هۆلێن
خاندنێ کریە و حکومەتێ بەرسڤا داخازیێن وان نەداینە، ژبەرهندێ بڕیاردایە لبەردەرگەهێ جڤاتا وەزیرێن هەرێمێ دەست بهەلدانا
چادران بکەن.
دووهی پەرلەمانێ
کوردستانێ جڤیان و بابەتەکێ وێ جڤینێ لدێڤ کارنامەیاوان تایبەتبوو بئاریشێن
مامۆستایێن وانەبێژڤە، لێ چ ژ وەزیرێن پەروەردە و دارایی ئامادەی جڤینێ نەبوون ژبەروێیەکێ پەرلەمانتارێن نەوەی نوێ ڕێک
نەدا جڤین بەردەوام بیت و ڕاگەهاند، کوپێتڤیە بڕیاربهێتەدان نە گفتوگۆبهێنەکرن و
ڕاپۆرتان بێخنە بەرچاڤ، ئەوکار چەندجارێن دی ئەنجامداینە د دەمێن دەربازبوویدا
ژبەرهندێ پێتڤیە بڕیاربهێنەدان و بهێنە دامەزراندن.
مژدە مەحمود
پەرلەمانتارا نەوەی نوێ بەحسا وێیەکێ کر،وگۆت حکومەتێ داهات د دەستدا هەیە و شیان
هەنە و دکارن دا بمەزرینن.
ئەڤرۆژی بڕیارە جڤاتا وەزیران
بجڤیت، لێ چ برگەهێن تایبەت بئاریشێن مامۆستایێن وانەبێژ تێدانینە.
مامۆستایێن وانەبێژ پشکەکا
گرنگا تەمامکەرا پڕۆسەیا پەروەردێ و فێرکرنێ نە ل هەرێما کوردستانێ، لێ وەکێ ئەو
دبێژن، ئەو کۆژمێ پارەی "مەقتوعە"یێ لجهێ وانەیان بۆ وان دهێتە دابینکرن، جدا ژهندێ کویێ کێمە
وتێرا هاتن و چوونا وان ناکەت نەکو وی ئە رکێ لسەرملێن وان؛ پاشڤە دبەن و د دەمێ خۆدا وەرناگرن، جودا ژهندێ مووهلەتا
دایکانە و نەخۆشیان نیە و پێتڤیە دەوامێ هەر بکەن.
بئاوایەکی، دوهی د
دەمێ خرڤەبوونا مامۆستایێن وانەبێژدا ل بەردەرێ پەرلەمانێ کوردستانێ، مامۆستا یەکی
بەحسا وێ یەکێ کر، کو مامۆستایەکێ هەڤالێ وی ژبەرکوتووشی نەخۆشیا پەنجەشێرێ بوویە
و دەرزیا کیمیایی بۆ دانایە سێ ڕۆژان نەچۆ دەوامێ دەرئێخست "فەسلکر".
پشکەک ژ وان
مامۆستایان ئەڤە بۆ دەمێ ١٥ سالانە وانەبێژن وتانها نەکرینە گرێبەست یان
دامەزراندن، وەکی ئەوژی دبێژن، ژیانا وان گرانە و ئەرکێ وان ژی یێ زۆرە، لێ ئەوا
کو هەڤبەر بئەرکێ وان د دەنێ کێمە و پشکا هاتن و چۆنا وان ناکەت.
جـ ، عـ