سەرنووچە:

داعشێ هێرشکریە و چەند کەس کوشتینە و زێدەتر ژ ٢٠ کەسان بریندارن

PM:10:52:26/10/2021

1316 جار خوێندراوەتەوە

+ -

 

ژێدەرەکێ ئەولەکاری ل دیالا بۆ ئێن ئاڕ تی ڕاگەهاند، ل گوندێ رەشادیێ سەر ب پارێزگەها دیالا چەکدارێن سەر ب داعش هێرشکریە گوندی و هەیا نها، هەشت کەس هاتینە کوشتن و ٢٥ کەسێن دی برینداربووینە، تەڤایا وانا وەلاتیێن سڤیلن.

لدویف زانیاریێن میدیایی، چەکدارێن سەر ب گروپێ داعش هێرشکریە سەر گوندێ رەشادیێ سەر ب قەزایا میقدادیێ یێ پارێزگەها دیالا، هەیا نها بسەدەمێ شەڕی هەشت کەس هاتینە کوشتن و ٢٥ کەسێن دی برینداربووینە.

هەڤدەم ژێدەرێ میدیایێن عێراقی ئاماژە ب وێیەکێ دکەن، کو هێزێن ئەولەکاریێن سەر ب حکومەتا عێراقێ بەرهنگاری وان چەکداران بووینە و "هەیا نها شەڕێ دناڤبەرا چەکداران و هێزێن ئەولەکاریێ بەردەوامە".

گروپێ چەکدارێن داعش ل سالا ٢٠١٣ێ هاتە دامەزراندن و ل سالا ٢٠١٤ێ دەستبسەر پتریا ئاخا عێراق و سوریێ دا گرت، پشترا ل سالا ٢٠١٧ێ، هەرئێک ژ ئارتێشا عێراقێ و هێزێن پێشمەرگەی ب هەڤکاریا هێزێن هەڤپەیمانیێن ناڤدەولەتیێن دژی داعش، ب داوی هاتنا تەمام یا وی گروپی ل ئاخا عێراقێ ڕاگەهاند.

 

گەلەری