PM:09:53:23/07/2021
4296 جار خوێندراوەتەوە
+
-
بڕیاردەرێ لژنا دارایی ل پەرلەمانێ کوردستانێ
ڕاگەهاند، ب ئەگەرەکێ زۆر بۆ ڤێ مەهێ گوهۆرین بسەر لێبڕینا مووچەیدا بهێت، لێ
بداوی ناهێت، دبیژیت ژی، ڕەنگە مووچە پاشدابکەڤیت.
محەمەد سەعدەدین بڕیاردەرێ لژنا دارایی ل
پەرلەمانێ کوردستانێ کو سەر ب فراکسیۆنا پارتی دیموکراتی کوردستان ڤەیە ڕاگەهاند،
"دنهادا حکومەتا عێراقێ کۆژمێ ٢٠٠ ملیار دینار بۆ هەرێما کوردستانێ شاندنە و
بڤێ ژی داهاتێ هەرێمێ بۆ ڤێ مەهێ زێدەکریە"، گوت ژی، "بەریا پارڤەکرنا
مووچەیێ ڤێ مەهێ جڤاتا وەزیرێن هەرێمێ ب مەرەما بڕیاردانێ لسەر لێبڕینا مووچەی دێ
جڤیتن، ڕاستە پارڤەکرنا مووچەی ل ٢٥ی مەهێ دەستپێدکەت، لێ بۆ ڤێ مەهێ و بسەدەما
وان گوهۆرینان ڕەنگە چەند رۆژن کێم مووچە پاشدابکەڤیت".
ئاماژە ب وێیەکێ ژی کر، "ئەو داهاتێ
هەیە بۆ ڤێ مەهێ تێرا زێدتر ژ تەمویلا ٧٩%ێ یا مووچەی دکەەت و رێژا لێبڕینێ کێمدکەت، بەلێ ب داوی
ناهێت"، بەحسا وێیەکێ ژی کر، "ئەگەر بەغدا بەردەوام بیت لسەر شاندنا ٢٠٠
ملیاران، د مەهێن داهاتی دا حکومەتا هەرێمێ داهاتێ ناڤخۆی دێ رێکئێخیت و لێبڕینا
مووچەی دێ بداوی هێتن".
بڕیاردەرێ لژنا دارایی دبێژیت ژی،
"ئەگەر بەغدا بەردەوام بیت لسەر شاندانا ٢٠٠ ملیار دیناران، ل مەهێن داهاتی
حکومەتا هەرێمێ دێ داهاتێ خۆ رێکئێخیت و لێبڕینا مووچەی دێ ب داوی هێتن".
د دەما دەربازبووی دا، حکومەتا هەرێمێ
بڕیاردابوو ٢٥ی هەمی مەهان مووچەی پارڤەبکەت، لێ بۆ ڤێ مەهێ مووچە ١٧ رۆژان
پاشداکەفت و نەیا دیارە ئەڤێ مەهێ دێ ب چ میکانزمێ بیت و کەنگی دێ هێتە پارڤەکرن.