سەرنووچە:

ل باژێرەکێ هەرێمێ؛ د بوویەرەکا هاتن و چوونێدا ١١ کەس برینداربوون

PM:05:16:22/10/2021

784 جار خوێندراوەتەوە

+ -

رێڤەبەریا هاتن و چوونا سۆران ڕاگەهاند، د ئەنجامێ بوویەرەکا هاتن و چوونێ دا دناڤبەرا دوو ترۆمبێلاندا ١١ کەس برینداربوون.

ئەڤرۆ ئەینی، د ڕاگەهاندنەکا ڕێڤەبەریا هاتن و چوونا سۆران دا هاتیە، د ئەنجامێ لێکدانا دوو ترۆمبێلان ژ جۆرێ (نیسان ڕەف و مارسدیس بارهەلگر)دا، لسەر ڕێیا سپیلک - خەلیفان، ١١ کەس برینداربوون کو سەرنشینێن وان هەردوو ترۆمبێلان بوون.

لدیڤ ڕاگەهاندنا هاتن و چوونا سۆران بوویەر، ل سەر ڕێیا سپیلک-خەلیفان لسنورێ ئیدارەیا سەربەخۆیا سۆران روودایە ژبەر وێ سەدەمێ ژی ١١ کەس برینداربوون.

بەرێ سپێدەهیا ئەڤرۆ ژی، بەرپرسێ بنگەهێ هاتن و چوونا وارماوا ڕاگەهاند، د بوویەرەکا هاتن و چوونێ دا ژجۆرێ وەرگەڕیان لسەر ڕێیا وارماوا- دەربەندیخان کەسەکی ژیانا خۆ ژ دەستدایە کو شۆفێرێ ترۆمبێلێ بوویە.

بوویەرێن هاتن و چوونێ بئێک ژ سەدەمێن سەرەکیێن مرنێ دهێنە دانان ل هەرێمێ، کو بەشەکێ زۆر بۆ خرابیا جاددەیان و بەشەکێ دی ژی بۆ بلەزهاژۆتنا ترۆمبێلان ژلایێ شۆفیرانڤە و پێگری نەبوونا وان ب رێنماێن هاتن و چوونێ دزڤریت.

هاتن وچوونا هەرێمێ هەردەم شۆفێران هایدار دکەت ژبوی کو دشۆفێری کرنێدا د هشیار و لسەرخۆبن، ژبەرکو دئارامی چۆنێدا وەکو هاتن و چوون دبێژیت، "کۆنترۆلکرنا ئاریشان باشتردبیت، ئەگەر بوویەر روویبدەت ژی ڕەنگە زەرەر کێمتر بیت".


May be an image of outdoors and text

May be an image of text

May be an image of car, outdoors and text

گەلەری