PM:09:19:23/07/2021
896 جار خوێندراوەتەوە
+
-
لگۆرەی زانیاریێن نووچەگەهانێ ئێن ئاڕ تی،
ئێڤاریا ئەڤرۆ گەنجەکێ ١٨ سالی ب ناڤێ بڕوا لوقمان د ئاڤا زێ مەزندا ل قەزا خەبات
خەندقی و هەیا نها تەرمێ وی نەهاتیە دیتن.
سەباح سوفی نووچەگەهانێ ئێن ئاڕ تی ژ زارێ
شاهدحالەکێ ڕاگەهاند، ئێڤاریا ئەڤرۆ گەنجەک ب ناڤێ بڕوا لوقمان کو ئاکنجیێ ناحیا
رزگاریا سەر ب قەزا خەباتڤەیە د رووبارێ زێ مەزندا ل وێ دەڤەرێ خەندقی یە.
ئاماژە ب وێیەکێ ژی کر، ژیێ وی گەنجی ١٨ سالن
و پێشەیا وی کاسبە، ئێڤاریا ئەڤرۆ ئەو بتنێ چوویە سەر ئاڤا روویبارێ زێ مەزن و
خەندقی یە.
هەڤدەم، نەقیب ئامانج رێڤەبەرێ تیما خەواسێن
قەزا خەبات ژی خەندقینا وی گەنجی پشتراستکر و ڕاگەهاند، هەیا نها تەرمێ وی نەهاتیە
دیتن ژبەرکو ئاڤا روویباری شێلییە، لێگەریان ژی بەردەوامن.
ئەڤە د دەمەکی دایە، بسەدەما بلندبوونا
پلەیێن گەرمێ وەلاتی قەستا ئاڤێ دکەن بۆ مەرەما مەلەڤانیکرن و دەربازکرنا دەمێن
خۆش و خۆ فێنککرنێ، لێ گەلەک جاران دبیتە سەدەمێ خەندقینێ.
هەڤدەم، پشتی نیڤرۆیا ئەڤرۆ ئەینی ژی دوو گەنج ل گوندێ کانی
بی ل دەشتا کۆیە دناڤ ئاڤا زێیێ بچوکدا خەندقین کو هەردوو برایێن ئێکبوون.