PM:08:17:23/07/2021
632 جار خوێندراوەتەوە
+
-
ل گۆرەی ئامارێن گەشت و گۆزارا هەرێمێ، د سێ
رۆژێن دەستپێکا جەژنێ دا ٢٥٠ هزار گەشتیاران سەرەدانا هەرێمێ کریە، شارەزایەکێ
گەشتیاری ژی دبێژیت، ڤێ جەژنێ کێمترین گەشتیاران سەرەدانا سلێمانیێ کریە و
زۆرینەیا وان سەرەدانا دهۆک و هەولێرێ کریە.
ئەمەل جەلال سەرۆکا دەستەیا گەشت و گۆزارا
هەرێمێ د بەرنامەیێ تاوتوێیا ئێن ئاڕ تی دا بەرچاڤکر، "بتنێ د سێ رۆژێن جەژنێ
دا ٢٥٠ هزار گەشتیار هاتنە هەرێما کوردستانێ"، شارەزایەکێ گەشتیاری ژی
دبێژیت، سەدەمێ کێمیا گەشتیاران ل سلێمانیێ بۆ وێیەکێ ڤەدگەرینیت، کو جهێن
گەشتیاری بێ خزمەتگوزاری نە.
جەژنا رەمەزانێ، زۆرترین گەشتیارێن ناڤەڕاست
و باشورێ عێراقێ ل سلێمانیێ بوون، ژبەرکو رێکا دهۆک و هەولێر گرتی بوو، بەریا
جەژنێ وان هەردوو پارێزگەهان ڕاگەهاندبوو ب سەدەما کۆرۆنایێ رێکێ ب چ گەشتیاران
نادەن، لێ ئەڤێ جەژنێ ژبەرکو ریک ڤەکریبوون زۆرترین گەشتیاران سەرەدانا وان هەردوو
پارێزگەهان کر.
ئەو شارەزایە بەحسا وێیەکێ ژی دکەت، کو ل
سنورێ سلێمانیێ گرنگیەکا زێدە ب جهێن گەشتیاری و سەیرانگەهان نەدایە و خزمەتگوزاری
کێمن، هەروەسا زۆرترین ئۆتێل و موتێل ل رۆژێن جەژنێ گرتی بوون.