سەرنووچە:

بڕیارەک ژ وەزارەتا پەروەردەیا عێراقێ دەربارەی خاندنێ

PM:09:44:21/10/2021

1340 جار خوێندراوەتەوە

+ -

وەزارەتا پەروەردەیا عێراقێ بڕیاردا، د حەفتیەکێدا شەش رۆژان دەوام بهێتە کرن و پێتڤیە ژ وان شەش رۆژان چار لناڤ کەمپەسدا و دووێن دی ئەلکترۆنی بن.

وەزارەتا پەروەردەیا عێراقێ د نڤیسارەکا فەرمیدا ئاماژە ب وێیەکێ کریە، پێتڤیە رۆژا ١ی تشرینا دووێ دەواما خاندنگەهان دەستپێبکەت.

بەحسا وێیەکێ ژی کر، بهێنڤەدانا رۆژێن شەمبی بهێتەهەلوەشاندن و د حەفتیەکێ دا چار رۆژان دەوام دناڤ خاندنگەهاندا بهێتە کرن و دوو رۆژان ژی ب ئەلکترۆنی.

ئەوژی دیارکر، ئەو خوێندکارێن توشی نەخۆشیا پەنجەشێرێ بووین، پشتی پێشکیشکرنا راپۆرتێن پەسەندکرنێ، دکارن بتنێ پشکداریێ د ئەزمونێ داویا سالێ دا بکەن.

ئەڤە ددەمەکیدایە، چەند جاران عێراقێ دەستپێکرنا خاندنێ پاشخستیە بسەدەمێ بڕێڤەچوونا هەلبژارتنان و نەبوونا پلانەکا توند بۆ رێگرتنێ ژ بەلاڤبوونا ڤایرۆسێ کۆرۆنایێ ل دەمێ دەوامێ.

گەلەری