PM:05:35:23/07/2021
664 جار خوێندراوەتەوە
+
-
نووچەگەهانێ
ئێن ئاڕ تی ڕاگەهاند، پشتی نیڤرۆیا ئەڤرۆ ئاگربەبوو کارگەهەکا دروستکرنا مەرمەری ل
باژێرێ زاخۆ زێدەباری زیانێن گەهشتینە کارگەهێ سێ ترۆمبێل ژی شەوتین، گوت ژی، ئاگر
هێشتا نەهاتیە کۆنترۆلکرن.
وەحید سندی نووچەگەهانێ ئێن ئار تی ژ زارێ شاهد
حالێن بوویەرێ ڕاگەهاند، پشتی نیڤرۆیا ئەڤرۆ دەمژمێر ٣:٥ خۆلەک ل تاخێ فرقێ ل
باژێرێ زاخۆ ئاگربەربوو کارگەهەکا موبێلیاتێن ناڤ مالێ و هێشتا نەهاتیە کۆنترۆلکرن.
بەحسا
وێیەکێ ژی کر، زێدەتری ١٠ ترۆمبێلێن بەرەڤانیا باژێری و ترۆمبێلێن وەلاتیان ئەوێن
کارێ ئاڤێ دکەن بزاڤا کۆنترۆلکرن و ڤەمراندنێ دکەن لێ ژبەر زۆریا ئاگری هەیا نها بتنێ ٩٥%ێ ئاگر هاتیە کۆنترۆلکرن.
گوت
ژی، ل گۆرەی زانیاریێن دەستپێکی بتنێ زیانێن ماددی گەهشتنە کارگەهێ و سێ ترۆمبێل
کو پێکدهێن ژ کەیا و تۆیۆتا و ترۆمبێلەکا جەگی بتەمامی شەوتینە و دهێتە تەخمیینکرن ٣٠ تا ٥٠ دەفتەرێن دۆلاری زیانێن ماددی بەرب کارگەهێ کەفتنە.
هەڤدەم،
تیمێن بەرەڤانیا باژێری ژی ل زاخۆ ئاماژە ب وێیەکێ کرن، هەیا نها سەدەمێ
ئاگربەربوونێ نەهاتنە زانین، لێ ڤەکۆلینان دەستپێکریە و پێنگاڤا ئێکێ ژی دیفچوونە
ب رێکا کامیرێن چاڤدێریێ.
ئەڤە
د دەمەکی دایە، سپێدەهیا ئەڤرۆ بێوار عەبدولعەزیز پەیڤدارێ بەرەڤانیا باژێری ل
دهۆکێ بۆ ئێن ئاڕ تی ڕاگەهاند،ددەما سێ رۆژێن دەربازبوویدا
ل سنورێ پارێزگەها دهۆکێ ٢٨ بوویەرێن ئاگر بەربوونێ پەیدابووینە، مەزنترین بوویەر ژی
ئاگرێ دەوروبەرێن گوندێ سیارەتیکا بۆ کو نێزیکی پێنج هزار دۆنەمێن رەزوباخ و پیش و
پەلەخی شەوتین.