PM:04:46:20/10/2021
1236 جار خوێندراوەتەوە
+
-
وەزارەتا پەترۆلا عێراقێ ڕاگەهاند، بهایێ ئێک
بەرمیل پەترۆلا خاڤ د پرۆژەیاسایا بودجەیا عێراقێ دا بۆ سالا ٢٠٢٢ێ ب ٥٥ دۆلار بۆ
٦٠ دۆلاران دهێتە دیارکرن، دبێژیت ژی، ل دەستپێکا سالا داهاتی ژی بهایێ پەترۆلێ دێ
گەهیتە ١٠٠ دۆلاران.
ئێحسان عەبدولجەبار وەزیرێ پەترۆلا عێراقێ
ڕاگەهاند، حکومەتا عێراقێ بهایێ ئێک بەرمیلا پەترۆلا خاڤ د پرۆژەیاسایا سالا ٢٠٢٢ێ
دا ٥٥ بۆ ٦٠ دۆلاران دێ هێتە دیارکرن، بڤێ ژی ل پێناڤ بهێزکرنا ئابووریا وەلاتی و
چارەسەرکرنا کورتئینانا داراییا عێراقێ.
وەزیرێ پەترۆلا عێراقێ پیشبینیژیکر، ل
دەستپێکا سالا داهاتی بهایێ بەرمیلەکا پەترۆلا خاڤ بگەهیتە ١٠٠ دۆلاران، ئەڤە ژی
بسەدەما کارتێکرنا داکەتنا قەبارەیێ عەمبارکرنا پەترۆلێ ل ئەمریکا وەلاتان و گەشەکرنا ئابووریا جیهانێ یە.
ل گۆرەی پێشبینیان د ئەڤ سالەدا هەڤبەر ب
سالا دەربازبووی، خواست دێ لسەر پەترۆلێ زێدەدکەت بۆ ٩٦ ملیۆن وو ٤٠٠ هزار
بەرمیلان د رۆژەکێ دا.
ئەڤە ژی د دەمەکێ دایە، حکومەتا عێراقێ مژیلی
ئامادەکرنا پرۆژەیاسایا بودجەیێ ٢٠٢٢ێ یە. لهەمبەر وێیەکێ ژی حکومەتا هەرێێ زێدەتر
ژ هەشت سالان پرۆژەیاسایا بودجەیدا ئامادەنەکریە.
ل دەستپێکا ئەڤ سالە، حکومەتا هەرێمێ بەلاڤکر،
بۆ ئەڤ سالە پرۆژەیاسایا بودجەیێ هەرێمێ رەوانەی پەرلەمانێ کوردستانێ بکەت، لێ
پرۆژە نەهاتە رەوانەکرن بێی ککو سەدەمان ژی ئاشکرا بکەت.