PM:06:36:19/10/2021
1516 جار خوێندراوەتەوە
+
-
ئەندامەکێ رەوتا سەدر ڕاگەهاند، ل ڤان نێزیکا موقتەدا
سەدر و عەمار حەکیم ب مەرەما پێکئینانا حکومەتا بهێت یا عێراقێ د جڤن، دبێژیت ژی،
"مە دڤێت سەرۆک وەزیرێن بهێت یێن عێراقێ رازیبوونا پارتێن سیاسی و خەلکی ژی
لسەر بیت".
عیسام حسێن ئەندامێ رەوتا سەدر بۆ ئێن ئاڕ تی ڕاگەهاند،
چەند لێکتێگەهشتنەک هەنە دناڤبەرا موقتەدا سەدر سەرۆکێ رەوتا سەدر و عەمار حەکیم
سەرۆکێ رەوتا حیکمەیا نشتیمانی و چەند ئالیێن دیێن سیاسی ب مەرەما خۆ ئامادەکرنێ
بۆ پێکئینانا حکومەتا بهێت.
ئاماژە ب وێیەکێ ژی کریە، رەوتا حیکمە دگەل وان ئالیان
جڤین کریە کو بایکۆتا ئەنجامێن هەلبژارتنان کریە، لێ ئەڤە مانایا وێیەکێ نینە کو چ
پشکداریەکێ نەکەن ل ململانیێن پێکئینانا حکومەتا بهێت دا.
عیسام حسێن بەحسا وێیەکێ ژی کر، رەوتا سەدر ل پشکەک ژ
ئەندامێن پەرلەمانێن سەربەخۆ نێزیک و لدەف وانا ل ناڤ هۆلا پەرلەمانی دێ دەنگی ب
بەربژێرێن رەوتێ دەن.
ڕاگەهاند ژی، "مە دڤێت وان بەربژێران دیاربکەین بۆ
پۆستێن سەرۆک وەزیرێن عێراقێ ژ ئالیێ تەڤایا پارتێن سیاسی رازیبوون لسەر بهێتە
دان، ب تایبەتی ژ ئالیێ خەلکی".
ل رۆژا ١٠ی ڤێ مەهێ هەلبژارتن بڕێڤەچوون و تێدا رەوتا
سەدر کاریە ٧٣ کورسیان بدەستبینیت و ببیتە خۆدانێ زێدەترین کورسی ل پەرلەمانێ
عێراقێ و د نهادا مژویلی گۆتۆبێژانە دگەل ئالیێن دی بۆ پێکئینانا حکومەتا نویا
عێراقێ.