PM:02:59:23/07/2021
624 جار خوێندراوەتەوە
+
-
ددەما سێ رۆژێن
دەربازبوویدا ل سنورێ پارێزگەها دهۆکێ ٢٨ بوویەرێن ئاگر بەربوونێ پەیدابووینە، مەزنترین
بوویەر ژی ئاگرێ دەوروبەرێن گوندێ سیارەتیکا بۆ کو نێزیکی پێنج هزار دۆنەمێن رەزوباخ
و پیش و پەلەخی شەوتین.
بێوار عەبدولعەزیز
پەیڤدارێ بەرەڤانیا باژێری بۆ ئێن ئاڕ تی ڕاگەهاند، ددەما سێ رۆژێن دەربازبوویدا ل
سنورێ پارێزگەها دهۆکێ ٢٨ بوویەرێن ئاگر بەربوونێ پەیدابووینە، دبێژیت ژی، مەزنترین
بوویەر ژی ئاگرێ دەوروبەرێن گوندێ سیارەتیکا بۆ کو نێزیکی پێنج هزار دۆنەمێن رەزوباخ
و پیش و پەلەخی شەوتینە، تەڤاهیا وان بوویەران ژ ئالیێ بەرەڤانیا باژێری یا پارێزگەها
دهۆکێ هاتینە کونترۆل.
هەڤدەم، هەر لسنورێ
پارێزگەها دهۆکێ د رۆژانێن جەژنێ دا گەنجەکێ ئاوارەیێ شنگالێ خەندیقە شەش کەس ژی ژ
مرنێ هاتینە رزگارکرن.
ئاماژە ب وێیەکێ
ژی کر، ل دەستپێکا مەها ئێک یا ئەڤسالە و هەیا نها ١٥٥٣ بوویەرێن ئاگری ل سنورێ پارێزگەها
دهۆکێ دروستببوینە و ٩ وەلاتی ژی دئاڤێدا خەندقینە تەرمێ بەشەک ژوان ژ ئالیێن تیمێن
نقومڤانێن بەرەڤانیا باژێری هاتینە دەرئێخستن.
ژبەر وێیەکێ ژی،
وەلاتیان دخوازن هێمایێن ئاگەهدارکرنێ ل جهێن گەشتیاری و روویباران بهێنە دانان داکو
ژیانا وەلاتی و گەشتیاران بسلامەت بیت و پاراستی بن ژ خەندقبنێ.