PM:02:04:23/07/2021
1784 جار خوێندراوەتەوە
+
-
بەرپرسەکێ وەزارەتا بەرەڤانیا ئەمریکا ڕاگەهاند،
ئیدارەیا جۆ بایدنی هەڤکارە دگەل عێراقیان، هێزێن ئەمریکا ژی جارێ دێ ل عێراقێ
مینن هەرچەندە شیانێن ئارتێشا عێراقێ و پێشمەرگەی بەرەف پێشڤەچووینە.
رۆپەلێ سکای نیوز عەرەب ژ زاردەڤێ بەرپرسەکێ بلندێ وەزارەتا
بەرەڤانیا ئەمریکا (پینتاگۆن) بەلاڤکر، "ئەگەر حکومەتا عێراقێ داخازا ڤەکێشانا
هێزێن مە کر بێ گومان دێ جێبەجێکەین و دێ پلانێ ژ ی
بۆ دانین".
ئاماژە ب وێیەکێ ژی کریە، "د واقعیدا رەوشا عێراقێ
جودایە، ژبەرکو هێزێن ئەمنی یێن عێراقێ هەیا نها پێتڤی ب مە هەیە و مە دڤێت ل وێرێ
بمینین".
ل مەها حوزەیرانا سالا دەربازبووی دیالۆگا ستراتیجی
دناڤبەرا بەغدا و واشنتۆن دەستپێکر، لێ ژ ئالیێ گروپێن چەکداری رەتکر کو چەند
جارەکا گەفێن زێدەکرنا هێرشان بۆ سەر بارگەهێن ئەمریکا دکر ئەگەر حکومەتا کازمی هێزێن
ئەمریکا ژ عێراقێ نەکەتەدەر.
رۆژا سێ شەمبی، وەزیرێ دەرڤە یێ عێراقێ گەهشتە ئەمریکا
بۆ دەستپێکرنا گەڕا چارێ دیالۆگێن ستراتیجی دناڤبەرا عێراقێ و ئەمریکا.
ددەمێن دەربازبووی ژی دا، چەند جاران هێرش کریە سەر
بالەفڕخانەیێن بەغدا و هەولێرێ و بارگەهێن ئەمریکا ل عێراقێ، کو واشنتۆن بۆ
ئەنجامدانا ڤان هێرشان گروپێن نێزیکی ئیرانێ توهمەتباردکەت، لێ ئەو گروپە داخازا
ڤەکێشانا هێزێن ئەمریکا ژ عێراقێ دکەن.