PM:01:33:15/10/2021
1500 جار خوێندراوەتەوە
+
-
میدیایێن ئەفغانستانێ بەلاڤکرنە،
بسەدەما تەقینەکێ دناڤ مزگەفتەکا
شیعەیاندا ل باژێرێ قەندەهارا ئەفغانستانێ د دەما نڤێژا ئەینیێ دا، ١٦ کەسان ژیانا
خۆ ژ دەستدا و ٣٢ کەسێن دی ژی برینداربوون.
دەربارەی ئامارێن زیانێن گیانی ژی، ژێدەرەکێ
ژ نەخۆشخانەیا ناڤەندا باژێرێ قەندەهار بۆ میدیایان ڕاگەهاندیە، "هەیا نها ١٦
کەس هاتینە کوشتن و ١٣ کەسێن دی ژی برینداربووینە".
پەیڤدارەکێ بناڤێ بزاڤا تالیبان ڕاگەهاند،
تەقین ل مزگەفتەکا پەیرەوکەرێن مەزهەبێ شیعەیان ل باشورێ ئەفغانستانێ د دەمێ نڤێژا
ئیەنی دا بوویە و ب وێ سەدەمێ ژی هەژمارەما زۆرا وەلاتیان بووینە قوربانی.
وی پەیڤدارێ تالیبان بەحسا وێیەکێ ژی کر،
هەیا نها چ گرۆپ و کەسان بەرپرسیارەتیا خۆ لسەر ئەنجامدانا تەقینێ دیارنەکریە.
حەفتیا دەربازبووی ژی، د ئەنجامێ تەقینەکێ دا
کو مزگەفتەکا هۆزا سەر ب مەزهەبێ شیعەیان
ل باژێرێ قندووزی ل باکورێ رۆژهەلاتا ئەفغانستانێ کرە ئارمانج و ب وێ سەدەمێ ژی
٥٠ کەس هاتبوونە کوشتن و ١٤٠ کەسێن دی ژی
برینداربوون.
رۆژا ١٥ی ئابا ئەەڤ سالە ژی، بزاڤا تالیبان
هەمی ئەفغانستان کۆنترۆلکر و داوی ب حوکمێ ئەشرەف غەنی سەرۆککومارێ ئەفغانستانێ
ئینا، پشتی چەند حەفتیان تالیبان حکومەتا کاربرێکەرا کۆمارا ئیسلامیا ئەفغانستانێ
ڕاگەهاند.