ڕێڤەبەریا پۆلیسێن راپەڕین ڕاگەهاند، پشتی نیڤرۆیا ئەڤرۆ هێزەکا ئاسایش و پۆلیسان ل دەردورا زێیێ بچوک و درێژیا سنورێ قەزا پشدەر هاتنە بەلاڤکرن بۆ رێگریکرنێ ل خەلکی داکو چ پاشمایێن ئاژەلێ قوربانی نەهاڤێژنە د زێیێ بچوکدا و ل وێری سەرژێنەکەن.

ئاماژە ب وێیەکێ ژی کریە، ئارمانج ژ لڤاندنا وێ هێزێ زێدەباری پاراستنا وەلاتیان بۆ وێیەکێ یە ئاڤا پاقژ و ساخلەم بگەهیتە ئاکنجیێن باژێرێ قەڵادزێ کو ژێدەرێ ئاڤا ڤەخارنێ یە بۆ ئاکنجیێن وی باژێری.

پۆلیسێن راپەڕین بەحسا وێیەکێ ژی کرن، زێدەباری چاڤدێریکرنەکا هویرا ئاڤێ ب درێژیا رۆژانێن جەژنێ هێز ب جلێن سەربازی و مەدەنی ل زێیێ بچوک دیاردبن و هەر کەسێ سەرپێچیێ ژی بکەت ڕێکارێن یاسای دێ لهەمبەر هێنە وەرگرتن.