PM:12:28:21/07/2021
2432 جار خوێندراوەتەوە
+
-
ئاژانسا پەیوەندبێن پاکستانێ د هەژمارا خۆ یا فەرمیا تویتەری دا ڕاگەهاند، ڕۆپەل و پەلیکەیشنا تیکتۆکی ڕاگرت، بسەدەما بەردەوامیا ناڤەرۆکا نەگونجای دناڤ تیکتۆکی دا و نەشیانا رێگرتنێ ل وێ ناڤەرۆکا نەگونجای.
پاکستانێ ل تشرینا ئێکێ یا سالا دەربازبووی سێ جاران بڕیارا قەدەغەکرنا تۆڕا جڤاکیا چینی "تیکتۆک" دایە، داوی بڕیار ژی جارەکا دی ب سەدەما بەردەوامیدانێ ب "ناڤەرۆکا نەگونجای" پلاتفۆرمێ بڕیارا قەدەغەکرنێ دایە.
ب ڤێ یەکێ ژی، ل ٩ی تشرینا ئێکێ ٢٠٢٠ێ و هەیا نها، پاکستان بۆ چارەم جار تیکتۆک قەدەغەکر، پاکستان پشتی هیندستانێ دووەم وەلاتێ ئاسیای بوویە تیکتۆک قەدەغەکر.
"تیکتۆک" ئەپلیکەیشنەکێ تۆڕا جڤاکی یە و ژ ئالیێ کۆمپانیا بایتدانسا چینی ڤە ل سالا ٢٠١٦ێ دروستکریە، ئەو ئەپلیکەیشنە ب ٤٠ زمانێن جیهانێ بەردەستە و بکارئینەرێن وێ ب رێکا ڤیدیۆیان بوچوون و هەستێن خۆ دیاردکەن کو درێژیا هەر ڤیدیۆیەکێ دناڤبەرا ١٥ تا ٣٠ چرکا دایە.