AM:11:06:13/09/2021
1332 جار خوێندراوەتەوە
+
-
عەردهەژەکا بهێز ب
گۆرا ٥.٢ پلەیێن رێختەر باژارێ مەشهەدا ئیرانێ هەژاند.
سەرێ سپێدهیا ئەڤرۆ
دووشەمبی، عەردهەژەکا بهێز باژێرێ مەشهەدا ئیرانێ هەژاند و گۆرا وێ ٥.٢ پلەیێن
رێختەربوو، لگۆرەی زانیاریێن سەنتەرێ عەردهەژان ل زانکۆیا تەهرانێ، عەرد هەژ ب
کۆیراتیا شەش کێلۆمەتران بوویە و ب تەمامی ل دەمژمێر ٤ێ مەشهەد گرتیە.
هەر ل گۆرەی زانیاریێن
سەنتەرێ عەرد هەژان ل زانکۆیا تەهران، پشتی وێ عەردهەژا بهێز، سێ عەرد هەژێن دی ژی
ل هەمان جهـ روویدانە و پلەیێن وان ٢.٨ و ٣.٥ وو ٣.٢ بووینە.
ل گۆرەی زانیاریان،
عەرد هەژێ باژێرێن قۆچان، خەلەکانلو، کەچەلان و چەند باژێرێن دی ژی ڤەگرتیە.
دەربارەی زیانان ژی،
هێشتا چ ئامارێن فەرمی نەهاتنە بەلاڤکرن.
ئیران ئێکە ژ وان
وەلاتێن کو سالانە چەندین عەرد هەژێن بهێز تێدا روویددەن، بهێزترینا وان ژی سالا
٢٠١٧ێ بوو، کو باژێرێ کرمانشانێ گرتبوو، و ب وێ سەدەمێ ژی ٦٢٠ کەسان ژیانا خۆ ژ دەستدابوو و ب سەدەما
ئاپارتمان و خانی هەرفیبوون.