PM:02:31:01/06/2023
1372 جار خوێندراوەتەوە
+
-
پشتی هەشت مەهان ژ سکالایا
نەوەی نوێ دادگەها فیدرالی درێژکرنا ژیێ پەرلەمانی بۆ ئێکەمجار د دیرۆکا ٣٢ سالێن دەربازبووی
دا هەلوەشاندیە و هەڤڕکیا وێ ب مفایێ نەوەی نوێ ئێک ئالیکر. ل داوی رۆژ ل بەغدا چ
روویدا؟
رووینشتنا داویێ یا
دادگەهێ و بریارا بهێز زێدەتری پێنج دەمژمێران میدیا و ڕایا گشتی ئێخستنە چاڤەرێ
بوونێ و پشترا ئەو بڕیارە هاتە دان.
لدیڤ زانیاریان ژی ب
درێژاهیا ڕۆژێ و بەری بریارا دادگەهێ، مەسعود بارزانی سەرۆکێ پارتی دیموکراتی
کوردستان ب تەلەفونێ لسەر هێل بوویە و چەند جاران پەیوەندی کریە ب هەرئێک ژ نوری مالیکی و هادی عامری و محەمەد شیاع سودانی
و هەڤدەم فایەق زێدان سەرۆکێ جڤاتا بلندا دادوەری و داخاز ژێ کریە ئەو بڕیارە
نەهێتە دەرێخستن.
لدیڤ زانیاریێن ئێن
ئارتی بارزانی داخاز ژ وان ئالیان کریە کو ب کێمی بریارا دادگەهێ ئەسەریا رەجعی نەبیت،
ئانکو ل رۆژا دەرچوونا وێ بریارا دادگەها فیدرالی کار پێ نەهێتەکرن و هەمی یاسا و
بریارێن کەڤنێن پەرلەمانێ کوردستانێ نەهەلوەشینیت. دناڤ وان ژی دا کاراکرنا کۆمسیۆنا
هەلبژارتنان، کو حەفتیا دەربازبووی پارتی کارا کریە.
شاسوار عەبدولواحید لەبەغدا
هەر لگور زانیارییان
دوو رۆژان بەری دەرچونا وێ بریارێ، شاسوار عەبدولواحید بخو ژی ل بەغدا بوویە و د
بزاڤا وێ دا بوویە کو دادگەها فیدرالی نەکەڤیتە بن کارتێکرنا چ ئالیەکێ و بریارا یاسایی
و دەستوری یا خۆ بدەت. کو زێدەباری وێ یەکێ کو دوو دادوەرێن پارتی و یەکێتی د ناڤ
دادگەها فیدرالی دا هەبوون، لێ نە ئەڤە و نە بزاڤێن بارزانی د هەوارا دەسهەلاتێ نەچوون،
دوماهیک جار رۆژا ٣٠ ێ ٥ دادگەها فیدرالی بریار دا ب هەلوەشاندنا درێژکرنا ژیێ پەرلەمانی.
کارتێکرنا وێ بریارێ
هەر ئێک ژ نێچیرڤان
بارزانی و مەسرور بارزانی مل ب ملێ پەرلەمانێ هەلوەشاندیێ کوردستانێ، پشتی بریارا
دادگەها فیدرالی شەرعیەتا وان نامینیت، ژبەرکو هەردوو سازی بەریا نها شەرعیەتا وان
ژ پەرلەمانی هاتبوو وەرگرتن. ژبەر ڤێ ب نەمانا
شەرعیەتا پەرلەمانی، شەرعیەتا وان ژی نامینیت.
لگور یاسایا بەرکاران،
نێچیرڤان بارزانی بتنێ دەستهەلاتێن شکلی تایبەت ب بەرهەڤکاریان بۆ ئەنجامدانا هەلبژارتنان
دمینن، ئانکو ئەو هەر کار و لڤینەک و بریارەکێ دەربکەت بتنێ پێدڤیە پەیوەندیدار بیت
ب بەرهەڤیان بۆ ئەنجامدانا هەلبژارتنان، ئەڤە ژی بتنێ ژبەر وێ چەندێ کو دەزگەهەکێ
دی نینە وی کاری بکەت.
لگور یاسایا سەرۆکاتیا
هەرێمێ سالا ٢٠١٥ ژی دەمێ یاسایی سەرۆکێ هەرێمێ ب تەمامبوونا دەمێ یاساییێ پەرلەمانی
دێ تەمام بیت.
هەڤدەم مەسرور بارزانی
و حکومەتا وی ژی بوینە برێڤەبەرێن کاران و د نها و پێدا حکومەتا هەرێمێ چ دەسهەلاتەکا
یاسایی و بریارا ستراتیژی و شیانێن دەرکرنا رێنمایی و بریارێن نوی نامینیت، ژبەرکو
حکومەتێ باوەری ژ پەرلەمانی وەرگرتیە و ب تەمامبوونا ژیێ یاساییێ پەرلەمانی ژی شەرعیەتا
حکومەتێ ژی نامینیت و بووینە رێڤەبەرێن کاران و پێدڤیە بتنێ کارێن رۆژانەیێن وەلاتیان
برێبکەت.
سێشەمبیێ ٣٠ێ ئەیارێ و
لسەر سکالایا سەرۆکێ ڤەلڤینا نەوەی نوێ و سەرۆکا فراکسیۆنا نەوەی نوێ ل پەرلەمانێ
عێراقێ، دادگەها بلندا فیدرالیا عێراقێ بڕیار دا ب نە دەستوری بوونا درێژکرنا ژیێ پەرلەمانی
و لگور وێ بڕیارێ ژی پەرلەمانێ هەرێمێ هەر یاسایەک یان بڕیارەک پشتی ٩ـێ ١٠ـێ
٢٠٢٢ـیێ دا بیت نە یاساییە و ب ڤێ چەندێ ل ٢٢ـێ ٥ـێ ئەڤسالە پەرلەمانێ هەرێمێ کۆمسیۆن
کاراکریە ئەو کاراکرنە نەیاسایی و نە دەستوورییە.