AM:09:45:01/06/2023
788 جار خوێندراوەتەوە
+
-
دادگەها ولاتێ بەڕازیل
ب سەدەمێ خراپ بکارئینانا دەسهەلاتێ سزایێ هەشت سالێن زیندانکرنێ بسەر سەرۆکێ بەرێتر
یێ ولاتێ وان دا سەپاندن.
لگورەی بەلاڤکرنێن میدیایێن
بەڕازیل، فرناندۆ کۆلۆر سەرۆکێ بەرێتر یێ بەڕازیل کو ل سالا ١٩٩٠- ١٩٩٢ سەرۆکێ وی
ولاتی بوویە ب تۆهمەتا گەندەلی و خراپ بکارئینانا دەسهەلاتێ بۆ دەمێ هەشت سال و ١٠
مەهان سزایێ زیندانکرنێ بسەردا هاتە سەپاندن.
میدیایان ئاماژە ب وێ چەندێ
کریە، سەرۆکێ بەرێتر یێ بەڕازیل کۆژمێ سێ ملیۆن یۆرۆیان وەک بەرتیل وەرگرتینە و هەژموونا
سیاسی بۆ ئەنجامدانا گرێبەستان بکارئینایە و د هەمبەردا پارە وەرگرتینە.
ئەڤەژی هاتیە، لدیڤ
ئامارا فەرمانگەها داواکاریا گشتی بۆ ئەنجامدانا وان گرێبەستان نێزیکی چل جاران
پارە وەرگرتیە.
ئەڤە د دەمەکێدایە، هەر
ل مەها ئەیارێ نیکۆلا سارکۆزیێ سەرۆکێ بەرێتر یێ فەڕەنسا ب سەدەمێ ئەشکرابوونا وی ژ
ئەنجامدانا گەندەلیێ ل وی دەمێ کو سەرۆکێ ولاتی بوویە؛ سزایێ سێ سالێن زیندانکرنێ
بسەردا هاتنە سەپاندن.