PM:01:31:05/02/2023
1052 جار خوێندراوەتەوە
+
-
ئەو سنێلەیێ هەیاما زێدەتری ١٠ رۆژانە ل پارێزگەها هەولێرێ بێ سەروشین بووی
ئەڤرۆ تەرمێ وی ژ ئالیێ وەلاتیەکێ ڤە د گولەکا ئاڤێ دا هاتە دیتن و بۆ نۆژداریا
داد هاتە ڤەگۆهاستن.
ل گۆر زانیاریێن نووچەگەهانێ ئێن ئاڕ تی، تەرمێ ئەیوب محەمەد یێ ١٣ سالی کو
١١ رۆژە ل تاخێ قەرەبوویێ باژێرێ هەولێرێ بێ سەروشین بووی، هاتە دیتن.
تەرمێ وی سنێلیەی ژ ئالیێ وەلاتیەکێ ڤە هاتیە دیتن و ل نێزیک وی جهی کو
داوی جار د کامیریێن چاڤدێریێ دا دەردکەڤیت ئەیوب تێدا هاتبوو دیتن.
پشتی دیتنا تەرمێ وی، وی وەلاتیێ تەرمێ وی دیتی پۆلیسێن هەولێرێ هایدارکرن
و پۆلیس ژی گەهشتنە جهێ بوویەرێ و تەرمێ وی ژ گولا ئاڤێ دەرخستن و بۆ نۆژداریا
دادا هەولێرێ ڤەگۆهاستن.
د هەیاما دەربازبووی دا، ئەیوب محەمەدێ ١٣ سالی پشتی تەمامبوونا دەواما وی
ژ قوتابخانێ نەزڤری مالا خۆ و بۆ دەمێ ١١ رۆژان بێ سەروشین بوو و ئەڤرۆ تەرمێ وی د
گولەکا ئاڤێ دا هاتە دیتن.
موراد ئەحمەد - هەولێر