سەرنووچە:

کۆرۆنا و زلھێزێن جیھانێ

3/19/2020 11:37:55 PM
2834 جار خوێندراوەتەوە
عەلی سەلیم
+ -

ڤایروسێ کوڤید ـ ۱۹ کو ژ خێزانا ڤایروسێ کورونا یە، د نھا دا ل جیھانێ ب ئاوایەکێ بەرفرھـ بەلاڤبوویە و ژیانا زوربەیا مروڤان ئێخستیە د مەترسیێ دا و ئەڤ ڤایرۆسە ھەمی ئاستێن جڤاکی ژ دەولەمەند و ھەژاران و ھەروەسا دەسھەلات و بێ دەستھەلاتان ڤەدگریت.

ئەڤ جورە ڤایروسە د زوربەیا سەردەمان دا بەلاڤبووینە و بھێزترین وەلاتێن جیھانێ ڤەگرتینە و  پروفیسور و نوژدارێن جیھانێ بخوە ڤە مژیلکرینە، تشتێ سەیر ئەوە  کو ئەو وڵاتێن ساخلەمیا وان د پلێن ئێکەم یێن جیھانێ دایە و پتریا خەلکێ وان ولاتان توشبووینە، ھەروەسا زانا  و شارەزایێن ڤان ولاتان ژ ڤی ڤایرۆسی مەندەھوشبووینە و گەلەک ئاخفتن لسەر دھێنە کرن، ھەڕ ئێک ژلایێ خوڤە شلوڤەکرنەکێ ددەتێ، لێ یا کو جھێ داخێ یە ھەتا نوکە چ تشت لسەر ڤی ڤایروسی دیار نینە، دھێتە گوتن ھەمی شلوڤەیێن کەسی دھێنە وەرگرتن، ئەوا د نوکە دا ھەیی و چارەسەریا ھەری دیار ھەتا نوکە بتنێ خوە پاراستنە ژ ڤی ڤایرۆسی، ھەروەسا ئەوا دھێتە دیتن جیھان ھەمی یا د ئامادەباشیێ دا سەروکێن وڵاتان گازی دکەن خوە ب پارێزن یان دێ عەزیزێن خوە ژ دەست دەن، زێدەباری ڤێ یەکێ  وەلاتێن وان ولاتان توشی چەند خەلەتیان بوونە ژ وان ژی ترانەکرن ب ڤایرسێ کۆرۆنا و گوھـ نەدان ب مەترسیێن وی ڤایرۆسی.

ھەرێما کورستانی وەکی پتریا دەڤەرێن جیھانێ توشی ڤایرۆسێ کۆرۆنایێ بووینە و  ژ ھەمی لایان ڤە یا گرتیە و بتایبەت سنورێن دگەل ولاتێ ئیرانێ کو د نوکە دا ل وى ولاتی زۆرترین کەس توشی کورونایێ بووینە، ل ھەرێمێ یا پێدڤی ژلایێ لایەنێن پەیوەندیدارڤە ھاتنەکرن و پێدڤیە لسەر ھاولاتیان پێگیربن ب رێنمایێن ساخلەمیێ، ژبەر کو د دەما بەلاڤبوون و بلندبوونا کەسێن توشبووی دا چ حکومەت نەشێن رێگربن و دێ کارەساتێن مروڤی یێن دلتەزین پەیدابن، وەکی ئەوا ل ولاتێن ئیران و ئیتالیا پەیدابووی، دخوازین مللەت و وەلاتێ مە ژ ڤی ڤایروسی یێ پاراستی بیت و ب کێمترین زیان ژێ دەرباز ببین.