سەرنووچە:

پێتڤیە کورد نێچیرڤانێن ڤی ئاگری بن بۆ گەرمکرنێ!

1/7/2020 2:40:19 PM
12717 جار خوێندراوەتەوە
بژار نێروەى
+ -

بوویەر و پێشهاتێن مەزن د یەکەم روژێن سالانی نوو دا دەستپێكرنە، يا پێتڤیە كورد بزاڤان بکەن جوودا ژ سياسەتا ٢٠١٩ێ هزر بکەن و بزاڤ و پێنگاڤین هەرى باش و ژیرانە د سياسەتا خۆ لێكبدەن، ژبەر کو هێرشا ئەمريكا بۆ سەر هەر یەک ژ سەركردێ فەيلقا قودس (قاسم سلێمانی) و سەركردێ حەشدا شەعبی (مهدی الموهندس)ی ل دژی هەمی ياسايێن نێڤدەولەتيه و نها پێتڤيه كورد هەمى بزاڤان بکەت کو د ڤی هاوكێشێ سیاسی دا بێ دەستکەفت دەرباز نەبیت، نەکو ببيته ئاڤ بۆ ولاتەكێ و ببيته ژەهر بۆ ولاتەكێ دی، يا گرنگە نها هەمی سياسيێن كورد و كەسێن یەکەم یێن هەمی ئالیان كوم ببن، ژبەر کو عيراق د تەوژمەكا مەترسيدار دايە ئەڤە ژی ژ ئەگەرێ كوشتنا ژ نیشكەكێ ڤە يا وان هەردوو سەركردان.

پێدڤیە كورد ب هوشیارانە بزانين بالانسێ د ناڤبەرا هەردوو ئالیان دا راگرن، وەکی یا دیار گرنگیا وێ بۆ سیاسەتا کوردی ئەوە کو دەستپێكێ بچيته پال ئيرانێ كا چاوا عيراق ب كورسيكا ئيرانێ دهێته هژمارتن، پێتڤيه كورد وێ چەندێ بكەت يا عيراق دهەلبژێريت، یا خویایە کو هەمی عيراقی ل دژی ئەمريكا نين، لەوما پێتڤيه كورد ژی ب ڤی ئەركێ هەڤالتیا سياسی رابيت بشێت پێگەهێ خۆ ل عيراقێ و روژهەلاتا ناڤين بپارێزيت، د نها دا مەزنترين بنگەهێ لەشکەرى یێ ئەمريكا ل قەتەرێ یە، لێ قەتەرێ ئيران هەلبژارت و ئێكسەر وەزيرێ دەرڤەيێ قەتەرێ سەرەدانا ئيرانێ كر، بڤی شێوەی ئەمريكا توره نابيت ل ڤێ سەرەدانێ بەلكی دێ چاڤەرێ پێشهاتێت پشتی سەرەدانێ كەت، و دێ چاڤەرێی دەر ئەنجامێن سەرەدان و بزاڤێن وان بیت.

ب هەمان ئاوا د نها دا عيراق دێ بزاڤان کەت خۆ بهێزتر دەرئێخيت و چەند پێنگاڤان بهاڤێژیت و بچيته د بەرەيێ ئيرانێ دا، دگەل هاڤێتنا ڤان پێنگاڤان كورد دکارن خۆ بهێزتر نیشان بدەن، هەڤدەم پێتڤيه كورد ژی ڤان پێنگاڤان پاڤێژن و پەيوەنديێن خۆ دگەل هێزێن عيراقی بهێز بێخیت ، ب هشياری سەرەدەریێ دگەل ڤێ رەوشێ بکەت و ئيران ژی نەهێته ژبيركرن.