سەرنووچە:

کونگرەیێ ٨ێ و چارەنڤیسا یەکگرتوو

12/3/2019 2:50:05 PM
6008 جار خوێندراوەتەوە
دیار شکری
+ -

‎بێگومان پشتی ئەنجامدانا ھەلبژارتنێن ئەنجومەنێ نوینەرێن عێراقێ و یێن پەرلەمێنتویا ھەرێما کوردستانێ یەکگرتوویا ئیسلامیا کوردستانێ بشێوەکێ بەرچاڤ دەنگێن خۆ کێمکرن ڤێ یەکێ ژی کارڤەدانێن خۆ ھەبونە ھەر ژ سەرکردایەتیا ڤێ پارتێ تا ئەندامەکێ ئاسایی و بوویە جھێ دلگرانیێ دناڤا ڤێ پارتێ دا چەند بریار ھاتنە دان ژ وان پێشڤەئینانا کونگرێ ھەشتێ یێ یەکگرتوو ب پێشڤەئینانا ٦مەھان  ژ ھەیڤا پێنج یا سالا ٢٠٢٠ بۆ ھەیڤا دوازدە یا ئەڤ سالە رەوشا یەکگرتوو کەتیە تێدا رەوشەک خراب بوو لەوا گەھشتیە ڤی ئاستی د نھا دا یەکگرتوو یا ھەموو بزاڤان دکەت ژ بۆ سەرکەفتنا کونگرێ خوە یێ ھەشتێ و ب سەرکەفتیانە برێڤەبچیت و تێدا چەندین پسگرێکێن ھەلاویستی بھێنە چارەکرن.

ژ وان بزاڤان و یەکلاکرنان، جوداکرن یان نەجوداکرنا بانگەوازیێ ژ سیاسەتێ و راکرنا بەگرەوەندێ (ئیسلامی)ب ناڤێ یەکگرتوو ڤە کو کۆمەلگەھا کوردستانێ بگشتی لسەر ڤێ چەندێ دابەشبوونە بۆ سەر دوو تەخان، کو ھندەک ژ وان دبێژن ھەبوونا یەکگرتویێ گرنگە ب ئیسلامیا خۆڤە د گۆڕەپانا سیاسەتێ دا، تەخا ھەڤبەر ژی دبێژن ئەڤ سیستەما یەکگرتوو ب پاشگرێ ئیسلامی ڤە د گۆڕەپانا سیاسەتێ دا پەیڕەو دکەت نەیا سەرکەفتیە و زێدەتر خۆ د بیاڤێن پەروەردەی و ڕێکخستن و ھەڤکاریین مرۆڤاتی دا دبینیت نەک سیاسی، لەوڕا فەرە د ڤێ چەندێ دا یەکگرتوو بێ ئیسلامی و ب سیستەمەک کو بەرھەلستکار و ڕەخنەگری بھێتە ناڤ کایێن سیاسەتێ دا و کار لسەر بنەمایێ چوونە پێش بۆ گرتنا جۆمگەیێن حوکمڕانیێ بکەت.

د ناڤا یەکگرتوویێ ب خوە ژی دا، بەشەک ژ ئالیگر و ئەندامێن ڤێ پارتێ دخازن د کونگرەی دا گورانکاریێن ریشەیی بھێنەکرن ھەر ژ پوستێ ئەمیندارێ گشتی تا دگەھیتە پوستێن بچووک ژی بتایبەتی تەخا گەنجان د ناڤ رێزێن یەکگرتوویا ئیسلامیا کوردستانێ دا، ب دیتنا من ژی ئەگەر وەکو ھەر جار کونگرێ یەکگرتووێ ب شوەکێ راستەوخۆ بھێتە ڤەگوھاستن و دیسان دەستقوتان و شعر تێدا بھێنە خاندن و بچنە سەر و ستویێ ئێک و دوو بێی چ گورانکاریان بکەن یان گەر گورانکاری ھاتن کرن ژی بتنێ سەروچاڤ ھاتن گوھورین، بەرپرسێ مەلبەندێ A برە جھێ یێ  B و بەرپرسێ  B برە جھێ یێ  Aی ھەلبەت رەوشا یەکگرتوو دێ رۆژ ب روژ خراپتر بیت، دویر نینە ئەڤ پارتە ئاستێ خو یێ جەماوەری ھەر ب ئێکجاری ژ دەست بدەت، تا وی رادەی ژ ناڤ لیستا وان پارتێن خودان پێگەھەکێ گرنگ ل ھەرێما کوردستانێ دەرکەڤیت، د نھا دا یەکگرتوویێ بتنێ یەک ھەلبژارتن ھەیە ئەو ژی دەست ب گوھرینێن سەرتاسەری بکەت و کەسێن ژ ھەژی و بسپور ببەنە جھێ ژ ھەژی نەک ببیتە ململانێ و دەڤەر دەڤەری مینا پارتێن دەسھەڵاتدار.