سەرنووچە:

بەری شەری سەنگەر چولکر

3/30/2020 8:27:56 PM
3257 جار خوێندراوەتەوە
ئەیاس کەرەم
+ -

ئێک ژ پیڤەرێن حکومرانیا سەرکەفتی بەری قەیران و رەوشێن ئاوارتە حکومەت خودان پلان و بەرنامەیێن خۆ بیت دەمێ راستی قەیران و رەوشێن ئاوارتە ب بیت کونترولێ ل سەر بکەت، ئاورەکێ ل چوار تا پێنج سالێن دەربازبویی بدەین ل دەمێ شەرێ داعشێ دگەل ھەرێمێ، ھەر ل دەستپێکا شەرێ داعش ھەرێم کەت ناڤا قەیرانەک ئابوری و ئەو ھەرێما روژانە ملیونان دولار داھات ژنەفتێ  ھەبو،  تێدگەھم د رەوشەک شەردا گورانکاری د سەر ئابوری دا دھێن، پرسیار ئەوە ئەرێ حکومەتێ ئامادەیی بو ڤان جورە قوناغا ھەبو بەرسڤا قوناغێ ب نەخێربۆ، ئەم فوکسێ دانین سەر قوناغا نھا، قوناغا کۆرۆنایێ ھەڤ بەریکرن دگەل قوناغێن ئاوارتەیێن بوری بەرسڤا ڤێ قوناغێ ژی ھەمان بەرسڤا قوناغێن بورییە.

پلان و بەرنامێن حکومەتێ ب ئەنجامگیر دەرنەچون، ئەوژی ئەگەر ئەم پشتبەستنێ ب چەند ئارگومێنتێن رایەدارێن ھەرێمێ بکەین ئێک ژ وان ل دەست پێکا ڤێ قوناغێ وراگەھاندنا نێزیک بونا داھاتێ نافخویێ ھەرێمێ بو خالا سفرێ ژلایێ وەزیرێ نافخۆیێ ھەرێمێ،واتە مافێ خەلکێ ھەرێمێ یە ژ ئاییندەیێ ئابورێ خۆ ب ترسیت، یا کومیدی ئەوە حکومەتا ھەرێمێ دخازیت ل سەر دەرکرنا بریارا قەدەغەیا ھاتنو چونێ خۆ وەک پالەوانا قوناغێ نیشان بدەت، ئەڤ ددەمەکیدا ھەزاران ژ خەلکێ ھەژار دڤێ قوناغێدا، دەرفەتێن کاری ژدەست دان، حکومەتێ ژی چ بەرسڤێن ئەرێنی بو قەرەبویا وان نینە،کاریگەرییەک نەرێنی راستە راست ل سەر ژیانا روژانەیا خەلکی دروست بویە، بێ ئومێدییەک مەزن ژلایێ خەلکی ل ھەمبەر حکومەتا ھەرێمێ روژ ب روژ زێدەتر دبیت، ب ئاوایەکی ل شونا خەلک داخازیێن خو بگەھینیت حکومەتا ھەرێمێ، خەلکی تورێن جڤاکی کرینە مینبەر دا کو ھەوارا خو بگەھینن خەلکێ خێرخاز ئەڤ ژی ئەرگومێنتەک ژیواری و زیندییە کو خەلک ژ حکومەتێ بێ ئومێدە، واتە ئەڤ حکومەتا نھا حکومەتەک پولیسی و سیخوری یە، ل شونا حکومەت بەرسڤێن ئەرێنی بو داخازیێن خەلکی بدەت دەست ب زمانێ گەف کرنێ کرییە، ل ھەمبەر داخازیێن تایپەکێ روژنامەڤان و چالاکڤانان، کو داخازیێن وان دەربرینێ ژ داخازیێن چینا ھەژارێن ھەرێمێ دکەت، گرێمان ئەگەر باندوریا کۆرۆنایێ ل سەر ھەرێمێ دڤێ بێ پلانیێ دا وەک یا وەلاتەکێ مینا ئیتالیا با بێگومان دا کارەساتێن مروڤی ل ڤێ ھەرێمێ ریدەن، ژبەرکو چ ئاماژەیێن ئەرێنێ ل ھەمبەر ڤێ قوناغێ ژلایێ حکومەتێ ناھێن دیتن، ئەڤ ھەمی ئاماژانە بەری شەر بگەھیت حکومەتا ھەرێمێ سەنگەرێ چول کری، ئەگەر دا حکومەتێ بەرسڤێن دلخوشکەر بو داخازیێن دەست پێکی، ھەبن بوخەلکی واتە حکومەتا ھەرێمێ نھا یا خۆ رادەستی ژیوارێ ڤێ قوناغێ کری.