سەرنووچە:

چالاکڤان کینە؟

4/19/2020 9:04:36 PM
2600 جار خوێندراوەتەوە
نورمان کوردی
+ -

چالاک دەستەواژەکە دشێین بو چەندین کەسێن دیار بکار بینین لسەرانسەری جیھانێ، کو کار دکەن دناف (وەلات-مللەت-کومەلگەھ-کومپانی-کومەلێت گشتی) یێت
جڤاکی و ژینگەھێت ژێک جێوازدا بو پاراستن و پێشڤەبرنا بەرژەوەندیا گشتی یا (مروف و گیانەوەران).  ھەروەسا ناسناڤێ چالاکڤان ھەر کەسەکێ دناڤ (نەتەوە-ژینگەھ-کومەلەکا گشتی) دا کاربکەت لدیف ھندەک (پرەنسیپ و مەبادئێت) دەستنیشانکری و بێ ترس بەرڤانیێ ژێ بکەت، ھەروەسا بشێوەکێ مەیدانی و بەرچاف واتە (پراکتیکی) ھەوڵ بدەت بو ھشیارکرنا خەلکی و دروستکرنا رەئیەکا گشتی لسەر چەندین پرس و بابەتێت ھەستیار کو گرێداری بن بژین و ژیارا وی خەلکی ڤە.

ھەر کەسەک دشێت ببیتە چالاکڤان بەلێ لدیف چەندین مەرجان! واتە کەسەکێ (دەستپاک-نشتیمان پەروەر-ئازادیخواز-مروف دورست-رەوشەنبیر-رەوشت بەرزبیت)بیت، ھەست ب بەرپرسیارەتیێ بکەت لبەرامبەر (وەلات-مللەت-کومەلگەھ-جڤاکێ گشتی)دا و کاربکەت لدیف ھندەک (ھزر و بیرو باوەران) ڤێجا چ ئەو ھزر و بیرو باوەرە د گرێدای بن ب (فکر-ئایین-نەتەوە-ژینگەھ) یان تەخ و چینەکا جڤاکی یا بندەست یان ژی کومەلگەھەکا دیارکری وەکی (باژێر-دارستان-بیابان-دەریا) بن.

ئەگەر ئەم ب ئاوایەکێ گشتی بەریخودانەکێ بۆ بکەین، چالاکڤانێ نەتەوەیەکا بندەست، پێتڤیە چ بکەن تاکو وێ نەتەوەێ رزگار بکەت؟

دڤێت بەردەوام ھەوڵ بدەت خەلکی ھوشیار بکەت لسەر (ئەرک و مافێت) وان یێت سەرەتای و بنەرەتی ھەروەسا زانیاریان لسەر ھەر بابەتەکێ گرێدای ژین و ژیارا وی خەلکی بەلاڤەکەت و پێشکێشی رەئیا گشتی بکەت، تاکو بەرەیەکی ژ وان کەسێت بندەست و ماف لێ خواری دروست بکەت  کو جودا بیت ژ بەرەیێ زالم و زوردار، ھەر وەسا دڤێت ببیتە سەرکێش و دەست پێشخەر بو وی خەلکێ بندەست ل(جادە-گورەپان-مەیدانا)، ھەروەسا (خوپێشاندان و خرڤەبونێت) نەرازیبوونان رێک بێخیت و دروستبکەت دژی وێ دەستەلاتا دز و گەندەل، تاکو ھەمی مافێت وی خەلکێ زولم لێکری دەستبەرکەت و دستینیت و (یەکسانی-دادپەرەریێ) ل وەلاتی بەربەلاڤ دکەت.

 

گەلەری