سەرنووچە:

پیڤەرێ هەڵسنگاندنا مروڤان دناڤبەرا دەمارگیریی و لێهاتیێ دا

6/30/2020 7:25:26 PM
1318 جار خوێندراوەتەوە
عەدنان محەمەدتاهر
+ -

ھەر دەست پێکا درووست بوونا ژیانێ و پەیدابوونا ھەمی زیندەوەران بوو سەر ئەردی ھندەک خال ھەنە کە پێڤەرن بوو ھندێ ئەم ھەر تشتی لێک جودا بکەین ، بریار دان سەر مروڤان چ ئاخفتن بیت ب باش یان خراب یان کردار بیت ب پشتگیری کرن یان دژاتیکرن تڤیا سەر پیڤەرەکێ درووست بیت ، گەلەک جاران مروڤان د ناڤبەرا پیڤەرێ دەمارگیریێ و عەقلی دا بریارێن نەراست داینە ب جورەکێ ھەتا گەھشتیە حالەتێ تومەتبارکرنا کەسێن پاکژ.

ئەگەر ئەم تەماشەیێ روژھەڵاتا ناڤین ب گشتی بکەین حەتا ئاستەکێ بلند پیڤەرێ ھەلسنگاندنا مروڤان لسەر بنەغایێ (ئاین یان نەتەوە ، حزب، عشیرەت، بنەماڵ، یان جوانی و کرێتیا سەروچاڤان ...ھتد، بریارێ لسەر ددەین بێ بەرێخودانا ناڤەروک و کردارێ مروڤان ، ڤان تشتان ڕھێن خو کێشانە ناخێ گەلەک کەسان ئەڤەژی کارەکێ نەساخلەم و بێ ویژدانیە.

پتریا دەمارگیریا ئەڤروکە کو رەنگڤەدان و باندۆری لسەر جڤاکی ھەیە سێ تشتێن سەرەکینە ئەو ژی" نەتەوە ، حزب ، عشیرەت.

گەلەک جاران خەلکەک بیە پشتەڤانێ کەسانەکێ و رەنگە شەری سەرا وی بکەت چونکی ئەڤە کریە پیڤەر . ئەنجامێ ڤێ بریارا پر دەرمارگیر یا بیە جھێ خوین رێتنێ یان گەندەڵیێ یان درووست بوونا ئاریشەیێن جڤاکی جور ب جور، دەھان کێشە و قەیران دیڤ خو ئینانە ، بریاردان لسەر مروڤان و ھەلبژارتنا وان دڤێت لسەر پێڤەرێ ب رامانا پەیڤا باش بیت ڤێجا بگرە تڤیا کەسەک زیرک بیت و لێھاتی بیت و دەست پاکژ و راستگو بیت.

نوکە د واقعێ مە دا ئەڤ دەمارگیریە دناخێ گەلەک کەسان دا ھەیە و مە نمونەیێن زۆر ھەنە وەک دانانا چەند بەرپرسان ل بادینان ژ پوستێ پارێزگەھی و قائیمقامێن قەزا کە باشی رەنگ ڤەدا بوو ، پشتەڤانیا کەسانەکێ دەمارگیرێن نەزان بوو ڤان کەسان ئەوە چونکی دبێژن عشیرەتا منە!. ڤێجا دێ کەسەکێ  ھەژی ددەت ناسین ، ھەمی ھیڤیێن وی ئەون کەسەک ژ عشیرەتا وی ببیت بەرپرس بوو وی گرنگ نیە کەسەکە چەندی ئەکادیمی و دەست پاک بیت ،گەلەک جاران ئەڤ کەسێ ژ عشیرەتا وی پوست وەرگرتیە لێ ئێک خزمەتا ھەژی پێشکێش وی نەکریە، پوستێن حزبی و حکومی ئەڤرۆ دھێن دابەش کرن سەر فلان و فلان عشیرەتیێ نەک ل سەر پێڤەرێ زیرکیا کەسی ، خەلکەکی ژی ئەڤە کریە پیڤەر دەستان دقوتیت و دگەل ڤێ دابەشکاریێ دایە.

 بلا دز و گەندەڵ و نەزان بیت بس عشیرەتا منە پشتگیریێ دکەم و بەروڤاژی کەسەک پاکژ و دادپەروەر و زانایە بس دژاتیێ دکەت چونکی عشیرەتا من نیە.ئەڤ تێگھشتنە ئەنجامێ وێ درووست بینا کێشانە ھەر ژ گوپیتکا ھەڕەمێ حکومەتێ بگرە شور دبیت ھەتا دگەھیتە ناڤ وەڵاتیان، د تورێن جڤاکی دا دیارە چەند کەرب و کین و نەڤیان درووست کریە ئەڤەژی بەرھەمێ وێ یە.

دیماھیکێ تڤا بزانین کەس ژ مە کەسێ دی پیرووزتر و باشتر نیە ب تنێ ئەو نەبیت ئەوێ ھەمیان باشتر بیت ، تڤیا ئەڤ ئایەتا پیرووز بیرا مەبیت و کردار دیڤ بچین . بسم اللە الرحمن الرحیم: {ێا ڕَیُّەَا النَّاسُ إِنَّا خَڵقْنَاکُمْ مِنْ ژَکَرٍ ۆڕُنْپَی ۆجَعَلْنَاکُمْ شُعُوبًا ۆقَبَائِڵ لِتَعَارَفُوا إِنَّ ڕَکْرَمَکُمْ عِنْدَ اللَّەِ ڕَتْقَاکُمْ إِنَّ اللَّەَ عَلِیمٌ خَبِیرٌ} [الحجرات.