سەرنووچە:

دەربارێ دەستەسەرکرنا شاسوار عەبدولواحید

5/19/2019 3:12:48 PM
3949 جار خوێندراوەتەوە
تارا حسێن
+ -

کەنگی دۆزگەریا گشتی و دەستهەلاتا دادوەریێ، ئەنفالچی و مستەشارێن کو دەستێ وان ب خوینا زارۆکێن گەرمیانێ بانگهیشتێ دادگەهێ کرن. کەنگی بازرگانێن هەڤپار یێن تیرۆرسیتێن داعشێ هاتن گرتن و زیندانیکرن. کەنگی تۆمەتبارێن دزی و گەندەلێ و ب سەدان و هەزاران دۆسیەیێن بەرچاڤ و ب بەڵگەهـ هاتن سزا دان. ئەم ژی زێدە دەستوەردانێ ناکەین و بێدەنگ دبین و دێ بێژین کو یاسا بلا کارێ خوە بکە.

لێ ب راستی ژی یاسا چەکا دەستێ حزبێ یە و کەنگی بخوازە دکاریت هەموو یاسایان بنپێ بکەت و تۆلا خوە یا سیاسی و حزبی ڤەکەت، شاسوار عەبدولواحید وەک میناک. گەلۆ سکاڵایا کو ل سەر وان هاتیە تۆمارکرن، ژ دۆسیەیێن کو ب کەفالەت تێن ئازادکرن گرانترە؟، یان ئەو ماددە ل گۆری یاسایێ ئەڤ قاس گرانە کو چ ئاسانکاری و هەڤدیتنەک د گەل وی نایێ کرن.

خوەزیا وەسا با، داکو سزایا هەموو ژنکوژان مە دیتبا کو ب سەدەما خراب بکارئینانا ئامیرێن تەکنەلۆژیایێ بوونە سەدەما کوشتنا ب دەهان ژن و کچێن گەنج  و نها ژی ل سەر جادەیان بۆ خوە دگەڕن و دەما ئەم دپرسین چما هون وان دەستەسەر ناکەن؟ دبێژن یاسا نینە! ب تایبەتی مژارا تەکنەلۆژیایێ کو قاشۆ نایێ کۆنترۆلکرن. خێرە مژارەکا کو بچووک دبینن و کەس گرنگیێ پێ نادەت، ژ بۆ سیاسیان و ب تایبەت سەرۆکێ ڤەلڤینەکا سیاسی بوویە یاسایا تیرۆرێ؟

بەڵێ بۆ ئازادیا کارێ سیاسی ئەخلاقی

بەڵێ بۆ دادگەهکرنا تاوانبار و هەموو کەسێن کو دبن سێبەرا دەستهەلاتێ دا خوە ڤەشارتە