سەرنووچە:

یاسا جارەکا دی چوو پیاسا؟

4/3/2020 11:22:15 PM
3495 جار خوێندراوەتەوە
خەتاب عومەر
+ -

یاسا دەما کۆ د ھەبوونێ دا بیت بۆ ولاتەکێ سیستەمی دخوایت یان ژی رێڤەبەرێ وی وەلاتی د پلاندا بیت وەلاتەک ھەبیت دیموکرات و مەدەنی و یاسا سەروەر ئێدی پێنگاڤێن تولڤەکرنێ ب ناڤێ یاسایێ ناکەت، یاسا دەما کو ژ ئارمانجا خوەیا سەرەکی دویرکەفت ئێدی بچویک و بێ بھا دبیت وەکی جێبەجێکارێ خوە، بۆ کو رێک نەھێتە دان قومار ب یاسایێ و چارەنڤیسێ وەلاتان بھێتە کرن د ناڤا ھەر وەلات و ھەرێمەک و جھەکی دا دەستەیەک یان سازیەک ھەیە دبێژنێ داواکارێ گشتی ئەڤە بەرەڤانیێ ژمافێن گشتی دکەن؟ ل ڤێ ھەرێما مەژی داواکارێ گشتی باشترین یاسا و باشترین دەسھەلات ھەنە لێ خرابترین جێبەجێکار ب رەنگەکی وەسا تێ گەھشتینە کارێ وان بەرەڤانیکرنە ژ حکومەتێ، ئێدی حکومەت د زوربەیا کەیساندا ب تایبەت ل ڤێ ھەرێمێ لایەنەکێ داوایێ یە یان بکوژە ییان سکالاکەرە یان پلاندارێژەرە و یان و یان و یان... ئێدی داواکارێ گشتی ژ چارچوڤێ کارێ خوە بویە پارێزەرێ حکومەتێ وکاربەدەستێن وێ، ددەمەکی دا مافێ گشتی بەرەڤانیە ژ ویێ یا بەرژەوەندیا گشتی تێدا بیت.

ل ڤێرێ بابەتێ یەکەم روژنامەڤان ھێمن مامەند کو د پوستەکێ خوەدا داخوازا موچێ فەرمانبەران دکەت و دبێژیت ئەگەر حکومەت نەدەت دێ کەرەنتینێ شکێنین و خوپیشاندانا کەین، ئێدی ئەگەر ھیچ جارەکێ نەبویە تاوان و داواکارێ گشتی ل جھێ ل گورەی ناڤ و کارو یاسایا خوە بەرسینگێ سەروکێ حکومەتێ و ستافێ وی گرتبا و داخوازا موچێ فەرمانبەرا کربایە سکالا ل سەر داخوازا پارێزگارێ ھەولێرێ ل سەر ڤی روژنامەڤانی تومار کری یە کۆ خوە روونە ل سەر داخوازیێ کێمکرنەکا دی یا وێ سازیێ یە کۆ چی ئاگادار نینن یان ژی ل ژێر فەرمانان کاردکەن یان ژی دەستەیا داواکارێ گشتی سەر ب وانڤەیە؟ ل گورەی یا دبێژن دیف بەندێ ھاندانێ ژ یاسا سزادانا عێراقێ راگرتی یە کۆ بخوە کریارا وی ب ھیچ رەنگەکێ تاوان نینە ژبەرکو ئەگەرە و دووەم ژی داواکارێ گشتی بخوە ژی دزانیت ژ وان کریارانە کو بھێتە گازیکرن نە بھێتە راگرتن ئێدی ل ڤێرێ ژی یاسا گەلەک بێ بھا بویە و کراسەکە ھاتە دریتن.

دووەم حالەت گرتنا سەروکێ ڤەلڤینا نەوەی نوێ شاسوار عەبدولواحید ل دیف بەندێ ٤٣٣ ژ یاسا سزادانا عێراقی کۆ د کۆمێنتەکێ دا گوتیە کۆرونا ب وی ئاستی ل ھەرێمێ نینە ئەڤێ بەحس دکەن، ھەر چەند وی بخوە رەتکر کۆ فەیسبوکا وی بیت لێ دێ دانین یا وی یە ویا وەگوتی ئەڤە ل گورەی چ یاسا ناڤزراندنە؟ ناڤێ کێ زراندی یە؟ ل گورەی چ یاسایەک داواکارێ گشتی بویە دەرزیکێ درینا ڤی کراسی بو حکومەتێ ل سلێمانیێ؟ و ب گشتی ژی ئەگەر خوە وەگوت بیت ژی دکەڤیتە چارچوڤێ ئازادیا رادەربرینێ دا و چ بنیاتەکێ یاسایی نینە و ھیچ ناڤزراندن تێدانینە، ئەڤەژی د دەمەکی دایە کو ئەنجامدانا ڤان پێنگاڤێن بچویک و بێ بھا ناڤزراندنا یاسا و بھاێن دەولەتسازیێ نە.

ئێدی ھەر کۆ یاسا ب دەستێ یاساناس و سازیێن یاسایی بخوە بچیتە پیاسا ئھا ئەو وەلات ھەر گوندەکە و بۆ بەرژەوەندیا ئاغا و چەتا و بەگا چ جار نابیتە وەلات و دەولەتا مەدەنی دێ بیتە حەزەکا بەدەنی.