ئیران و ئەمریکا و جەنگێ جیهانی یێ سێیێ
5/7/2019 4:15:52 PM
5150 جار خوێندراوەتەوە
بیلال ئیحسان
+
-
پشتی رۆدانێن ١١ێ سیبتەمبەرێ ل سالا ٢٠٠١ ئەمریکا بریارەک ژ جڤاتا ئەولەھیێ (مجلس امن) درخستیــیە و تێدا دایە خویاکرن کو ھەر جھێ تیرۆر لێ بە دێ ببە ئارمانجا ئەمریکایێ دەرخـستنـا ڤێ بریـارێ ژلایێ ئەمریکایێ ژبوو وێ یـەکێ یە کو ئەگەر بزانە دەولەتەک وێ ھەبە ل پێشەرۆژێ دێ ئەمریکا ژناڤ ببە ژبەریا کو ئەو دەولەت ئەمریکا ژناڤ ببە ئەمریکا دێ وێ ژناڤ ببە و بشکێنە، لەوان ژی ئەو سەرەدەریا نھا ب ناڤێ تیرۆر و نەبوونا مافێن مڕوڤی....ھتد ئەمریکا دگەل ئیرانێ دکە دووبارەکرنا ھەمان سیاســەتـە یا کو ل سالا ١٩٩١ ھەیا ٢٠٠٣ دگەل عیراقێ ئەنجام ددای.
ئەز پێشبینی دکەم دداھاتی دا پەیوەندیێن ئیران و ئەمریکایێ بگەھن ئاستەکێ مەتـڕسیدار تەنانەت ھەتا شــەر ژی، چونکی ئەڤ سنورێن ھاتین دانان نەلڤن ــ خوجھـن بەلێ ئەمریکا و ئیران ھەردوو دخوازن ئەڤ سنــور وەرن گوھوڕین بوو میناک ئیران ل سوریێ و بەحرێنێ ب ھێزە و عوومان ژ مێژە ل بن ھەژموونا وێ و ل عیراقێ حەشدا شەعبی ھەیە و ل یەمەنێ حوسی ھەنە و ل لبنانێ حزب اللە ھەیە کو دڤێت ئیمبراتوریەتەکێ ژ دەولەتێن سوریا و عیراق و یەمەن و بەحرێنێ و عوومان و لبنانێ چێکەت تەماشەی نەخشەی بکەن دێ باشتر ژبوو وە ڕون ببە، ھەروەسا ل دور سعوودییێ ژی زڤریە تەنێ ئەمریکا سعوودیێ دپارێزە ئەگەر نە ئیرانێ ژمێژ دە دەست بسەردا گرتبا.
د بەڕامبەردا چێبوونا ئیمبراتوریەتا وەھا مەزنترین مەتڕسـیـە لسەر ئەمریکایێ ھەر وەھا ئەمریکا ژبەر ئیسرائیلێ دڤێت سنوڕا بگوھورە و چ ناڤا ب ناڤێ فەلەستین دنەخشێ جیھانێ دا نەھێلە و خەلکێ وێ دابەش بکە لسەر ئوردن و عیراق سعوودیێ ...ھتد، یان دێ ئیران داگێرانێ (تەنازلێ) بکە ژبوو ئەمریکا یان دێ ڕەوش ب ڤی ئاوای ڤەبکێشە یان دێ شەر دناڤبەرا واندە وەرە کرن و ئەگەر ھات و شەر چێ ببە یەک بژاردە ب تەنێ ددەستێ ئیران دە ھەیە ئەوژی پەقاندنا بومبا ناڤوکی ئەتومی یە چنکی ژ ھەلوەشاندنا رێکەفتناما ئەتومی وەرە، ئیرانێ دەس ب پیتاندنا یوڕانیومی کریە وەکو ئەو دبێژیت و چێکرنا بومبا ئەتومی ژی سێ مەھـ دڤێن ھەیا وەرە بەرھەڤ کرن.