سەرنووچە:

دەستهەڵات ژ کیژان چینا جڤاکی دترسە؟

1/25/2019 10:08:53 PM
8524 جار خوێندراوەتەوە
بیلال ئیحسان
+ -

دھەر جڤاکەکێ مروڤایەتی دا سێ چین (طەبەقە) تێدا ھەنە ژیانا خوە دەرباز دکەن  دنافا ھەر جڤاکەکێ دا مە ئەف ھەرسێ چینە ھەنە (ئێک زەنگین دوو ناڤین سێ ھەژار).

ھندی چینا زەنگینە مایێ خو د دەستھەڵاتێ دا ناکە و دبێژە من شوولە  ژێ نینە کا کی دەستھەڵاتێ بکەت رازیمە و ب کومکرنا مال و سامانی ڤە مژولە و ھندی چینا ھەژارە دیسان ئەوژی ژبەر تێرکرنا زکێ خوە و خێزانا خوە بکارکرنا بەردەوام ڤە مژولە ئەوژی مایێ خو ددەستھەڵاتێ ناکە و رازییە کا کی دبە دەستھەڵاتدار و کی نە، لڤێرێ چینا ناڤین چینا ناڤین ئەو چینە یاکو ناھێلە دەستھەڵات مافێن زەنگین و ھەژاران بخوە، ھەر وەکو بێرنارد شو دبێژە ئەخلاقێ چینا ناڤین ئەڤە:پێتڤی یە ئەز ژبۆ یێن دن بژیم نە بو خوە .

ئەڤ چینا ناڤین یاکو ئەم بەحس ژێ دکەن کەسانێن رەوشەنبیر و فەرمانبەرن کو زانیاریێن باش لسەر دەستھەڵاتێ ھەنە و دزانن کا تا چ رادە دەستھەڵات مافێن ھاوڵاتیان دخوە لەواژی دەستھەڵات ژی بەردەوام پێکولێ دکە ڤێ چینێ کونترول بکە و لاواز بکە ژبەرکو گەلەگ ژێ دترسە و دبە ئەگەرێ لادانا وان .

ڕون و ئاشکەرا ئەڤ چەندە ل ھەرێما مەژی خویا دکە و دەستھەڵاتێ دەس بسەر چینا ناڤین دا گرتیە و بەردوام پێکولێ دکە یان خەلکێ ژ چینا ناڤین ببە چینا زەنگین داکو مایێ خوە ددەستھەڵاتێ دا نەکەن یان ژی ژ چینا ناڤین ببە چینا ھەژار دیسان داکو مایێ خو ددەستھەڵاتێ دا نەکەن.