سەرنووچە:

ترسا ئەمریکا ژ تورکیا و ئیرانێ ئێس ٤٠٠ و چەکێ ئەتۆمییە؟

7/2/2019 12:51:33 PM
3276 جار خوێندراوەتەوە
بیلال ئیحسان
+ -

دەمەکە پەیوەندیێن ئیران و ئەمریکا تێکچوینە و دبە ئەڤ بارودوخ وەھا نەمینە و ببە شەر ژی ئەمریکا بەردەوامە لسەر سزایێن ئابوری لسەر ئیرانێ ھەروەھا پشتی کو تورکیا ژی بابەتێ s ٤٠٠ دگەل ڕوسیا ڤەکری ئەمریکا گەفا سزایان ل تورکیا ژی دکە ، ئەڤ سزایێن ئەمریکا و تڕسا وێ ژ تورکیا و ئیرانێ نە ژبەر سیستەمێ ئێس ٤٠٠ یێ تورکیا و چەکێ ئەتومی یێ ئیرانێ یە بەلکو بابەت گەلەگ ژ ھندێ مەزنترە و گرێدایی ستراتیجیەتێ یە ئەمریکا ژ وێ پلانا ستراتیجی یا تورکیا و ئیرانێ دترسیت کو ئیرانێ دڤێت ئیمبراتورییەتەکێ ژ دەولەتێن سوریا و عیراق  یەمەن و لبنان و عوومان و بەحرێن چێکەت و تورکیا ژی دڤێت ئیمبراتوریەتا عووسمانی ڤەگەرینیت لەوان ژی ب ئاشکەرا تەماشە دکەین کو ئەردووغان خوەش بەحس ل سالا ٢٠٢٣ دکە ئەڤەژی ژبەر ھندێ یە کو ل وێ سالێ دێ ماوێ رێکەفتناما لوزان ١٩٢٣ کو سەد سالن ب داوی وەرە کو دڤێ رێکەفتنامێ دا مادێن وێ دبێژن تورکیا ماف نینە دماوێ سەد سالان دا سنورێ خو واسع ــ بەرفرھە بکەت و داخازا وان دەڤەرا بکەت ئەڤێن کو لسەر دەمێ ئیمبراتورییەتا عووسمانی بەشەک بوون ژ وێ ھەر وەسان ھندەک بەندێن دی یێن رێکەفتنێ دبێژن تورکیا ماف نینە دەستھەڵاتا خو بسەپینیت بسەر گەریا پوسفور دا و ھەر وەسا ماف نینە سامانێن سروشتی یێن بن عەرد وەک نەفت  غاز دەربھێنیت ھەروەسا بو تورکیا نینە گەڕوێ ئەستەمبوولێ لێبدەت کو پروژەکێ ستراتیجی یێ دەولەتا عوسمانی بوو ل سالا( ١٨٦٣ ) بکورتی دڤێ رێکەفتنێ دا چەندین بەندا لسەر تورکیا ھاتینە سەپاندن کو ل سالا ٢٠٢٣ تورکیا دێ ژ ڤان بەندا قولتار بیت و دھێتە چاڤەرێکرن تورکیا ب ھێز بکەڤیت.

ئەو رێکێن ئەردوغانی دگریت  بەر بۆ زیندیکرنا خیلافەتا عووسمانی

ل سالا ٢٠٢٣ و پشتی رێکەفتنامە ب دووماھیک دھێت تورکیا  دێ دەست ب چێکرنا گەڕوێ ئەستەمبول کەت بڤێ ژی دێ بیتە سەنتەرەکێ ب ھێز یێ بازرگانی و ھەروەھا دێ دەست بدەرھێنانا سامانێن سروشتی کەت ئەڤەژی دێ گەشەکرنا وێ ب لەزتر ئێخیت ھەروەسا دێ باجێ لسەر کەشتیێن کو دپوسفوری دا جوڵێ و ھاتنوچونێ دکەن سەپینیت.

ئەردوغان ددەمێ بوری دا بەردەوام بەحس ل زیندیکرنا خیلافەتا عوسمانی دکەت و بوو ڤێ مەرەمێ ژی کەرتێ سینەما و دڕاما و تیڤی ئێخستنە دکاری دا تەنانەت دماوێ چار ساڵێن بوری دا ١٣ دڕامایێن درێژ و سەدان فلم و بەرنامە و دیکومێنتار لسەر مێژویا خەلافەتا عووسمانی و ھێز و دەستھەڵاتا وان بەرھەم ئیناینە.

خالەکا دی یاب ھێز بو بنیات دانانا خەلافەتا عووسمانی رێکخراوا ئیخوان موسلمینە کو ل ٣٤ دەولەتێن عەرەبی و ئیسلامی خودان پارتێن سیاسی نە و ھێزەکا جەماوەری یاب ھێز ھەنە لسەر ئاستێ جیھان و ڕوژھەلاتا ناڤەڕاست.

گوھورینا سیستەمێ پەرلەمانی بو سەروکایەتی ژلایێ ئەردوغانی ڤە ل تورکیا ئاماژەیە بوو زیندیکرنا خەلافەتێ و ئەردوغانی دڤێت فکرا ئیخوانی یا سیاسی بێخیتە دخزمەتا پڕوژێ خودا و خیلافەتا عوسمانی لسەر ئاڤا بکەت.

ھەژی ئاماژەپێدانێ یە لسەر ئاستێ نیڤدەولەتی ئەڤێن پشتەڤانیا ڤێ فکرا ئەردوغانی دکەن بو زیندیکرنا خیلافەتەکا نوێ ڕوسیا و چین و قەتەر و کومەلا جیھانی یا ئیخوان موسلمینە چنکی ب دیتنا وان ئەف خیلافەتە دێ بیتە ئەگەرێ سنوردارکرن و لاوازکرنا ھێزا ئەمریکا و ئەوروپا ل دەڤەرێ.

بەرامبەردا ئەمریکا و ئەوروپا و ئسرائیل و سعودیە و ئیمارات و میسر ب توندی دژی ڤی پڕوژەی نە لەوان دچەند سالێن بوری دا ھەلداینە و ھەولددن ئەردوغانی ژ دەستھەڵاتێ دور بێخن و سزایان ددانن سەر تورکیا و پێکولا دکن ئیخوان موسلمین بکەن دلیستا تیرورێ دا.