سەرنووچە:

ئەردۆغان: ئەم ئامادەنە ئەولەهیا منبجێ بپارێزن

رەجەب تەییب ئەردۆغان سەرۆک کۆمارێ تورکیا
فۆتۆ: 
2019-01-21

484 جار خوێندراوەتەوە

رەجەب تەییب ئەردۆغان سەرۆک کۆمارێ تورکیا و دۆناڵد ترەمپ سەرۆکێ ئەمریکایێ ب رێکا تەلەفۆنێ ئاخڤین و بەحسا پرسا سوریا، ئاڤاکرنا ناڤچەیەکا ئارام و ئاسایشا ناڤچەیێ کرن.

ل گۆری بەیانامەیەکا سەرۆکاتیا تورکیایێ، د پەیوەندیا تەلەفۆنی دا ئەردۆغان گۆتیە، ئارمانجا تەقینا منبجێ کو چار سەربازێن ئەمریکایێ تیدا هاتن کوشتن، بۆ پێداچوونا ئەمریکایێ ب بریارا ڤەکشاندنا هێزێن خوە ل سوریایێ بوویە و هێزێن کوردی دخوازن ئەمریکا ژ بریارا ڤەکشاندنێ پۆشمان ببە.

هەروەسا ئەردۆغان دیار کریە، تورکیا دکارە ئەرکا پاراستنا ئەولەهی و ئارامیا منبجێ بگرە سەر ملێ خوە.

ل گۆری میدیایێن تورکیایێ ژی هەردوو ئالی ل سەر پرسا شێورا ناڤبەرا سەرۆکاتیا ئارتێشا تورکیا و ئەمریکایێ بۆ ئاڤاکرنا ناڤچەیەکا ئارام و زێدەکرنا قەبارەیا بازرگانیا ناڤبەرا هەردوو ئالیان گۆتوبێژ کرنە.

١٩ێ کانونا ٢٠١٨ێ سەرۆکێ ئەمریکایێ بریارا ڤەکشاندنا هێزێن وەلاتێ خوە ژ سوریایێ دا و ئەو یەک ژی بوو سەدەما نەرازیبوونا ناڤخوە و دەرڤەیی ئەمریکایێ.

هـ.ج