سەرنووچە:

واشنتۆن بۆ ئۆپۆزسیۆنا سوریایێ: رۆژهەلاتێ فورات و منبج هێلێن سۆرن

واشنتۆن بۆ ئۆپۆزسیۆنا سوریایێ: رۆژهەلاتێ فورات و منبج هێلێن سۆرن
فۆتۆ: 
2018-12-16

502 جار خوێندراوەتەوە

بەرپرسێن ئەمریکایێ، سەرکردەیێن سیاسی و لەشکەریێن ئۆپۆزسیۆنا سوریایێ ییێن نێزیکی ئەنقەرەیێ ئاگەهدار کرن کو ناڤچەیێن رۆژهەلاتێ فوراتێ و باژارێ منبجێ ژ بۆ وان هێلێن سۆرن.

پشتی کو ئەنقەرەیێ گەفا دەستپێکرنا ئۆپەراسیۆنان بۆ سەر رۆژئاڤایێ کوردستانێ کر ، د ناڤبەرا تورکیا و ئەمریکایێ دە هەژمارەک هەڤدیتن هاتن پێکئانین.

ل گۆری چاڤکانیێن نووچەیان، گرۆپێن چەکدار یێن ئۆپۆزسیۆنا سوریایێ ژی هاتنە ئامادەکرن کو د ئۆپەراسیۆنێن تورکیایێ دە بەشدار ببن. لێ بەرپرسێن ئەمریکایێ، هەڤپەیمانیا نیشتمانیا سوریایێ و ئارتێشا ئازاد یا سوریایێ ئاگەهدار کرنە کو هەر هێرشەک بۆ سەر رۆژهەلاتێ فورات و منبجێ، تێ واتەیا هێرشا ل هەمبەر ئەمریکا و هەڤپەیمانان.

بەرپرسێن ئەمریکایێ گرۆپێن جەکدار ئاگەهدار کرنە کو تەڤلی شەرێ مەزن نەبن و خوە ژ شەر دوور بگرن.

ژ ئالیەکی دن ڤە برێت مەکگۆرک، نونەرێ سەرۆکێ ئەمریکایێ د هەڤپەیمانیا دژی داعشێ دە راگەهاند، چالاکیێن سەربازیێن تورکیا ل دژی رۆژهەلاتێ فورات و منبجێ، ژیرانە نینن.

عەبدولرەحمان مستەفا سەرۆکێ هەڤپەیمانیا نیشتمانیا سوریا یا نێزیکی تورکیایێ، دیار کر کو ئەو پێشوازیێ ل ئۆپەراسیۆنا تورکیایێ ل هەمبەر هێزێن کوردی دکن.

رۆژا ١٢ێ کانونا ٢٠١٨ان، ئەردۆغان د لوتکەیا پیشەسازیا بەرەڤانیا تورکیا دە راگەهاندبوو، دێ هێرشێن وان ل هەمبەر رۆژهەلاتێ فوراتێ دەست پێ بکن و دەست ب سەر وان ناڤچەیان دە دگرن و گۆت:" ئارمانجا هێرشان، لەشکەرێن ئەمریکایێ نینە، ئارمانجا وان هێزێن سەردەستێن رۆژهەلاتێ فوراتێ یە."

هـ.ج