سەرنووچە:

هەسەدە: سۆز، چ هێرشێن تورکیا بێ بەرسڤ نامینن

هەسەدە: سۆز، چ هێرشێن تورکیا بێ بەرسڤ نامینن
فۆتۆ: 
2018-12-14

424 جار خوێندراوەتەوە

سەرکردەیەکێ هێزێن سوریایا دەموکراتیک راگەهاند، ب پشتەڤانیا ئەمریکایێ، ب توندی بەرسڤا هەموو هێرشان ددن و چ هێرشێن تورکیا بێ بەرسڤ نامینن.

مەزلۆم کۆبانی کو یەک ژ دامەزرێنەرێن هێزێن سوریایا دەموکراتیکە د هەڤپەیڤینەکێ دە د گەل ئاژانسا رۆیتەرزێ راگەهاند، ئەمرتکا پشتگیریا هێزێن وان دکە و ب توندی بەرڤا هەموو هێرشێن تورکیا بۆ سەر شەرڤانێن وان دێ بێ دایین.

مەزلۆم کۆبانی دازانین، ئەمریکایێ ب جددی رێ ل هێرشێن تورکیا بۆ سەر شەرڤانێن کورد دایە، لێ پیدڤیە ئەمریکا هەولێن زێدەتر بدە و گۆت:" پەیوەندیێن دیپلۆماسی بۆ ئاستەنگکرنا هێرشێن ئارتێشا تورکیا بەردەوامن."

ئەردۆغان د لوتکەیا پیشەسازیا بەرەڤانیا تورکیا دە راگەهاندبوو، د رۆژێن داهاتی دە دێ هێرشێن وان ل هەمبەر رۆژهەلاتێ فوراتێ دەست پێ بکن و دەست ب سەر وان ناڤچەیان دە دگرن و گۆت:" ئارمانجا هێرشان، لەشکەرێن ئەمریکایێ نینە، ئارمانجا وان هێزێن سەردەستێن رۆژهەلاتێ فوراتێ یە."

شۆن رۆبێرتسن پەیڤدارێ پنتاگۆنێ د داخویانیەکا نڤیسکی دە بالکشاندە سەر ئەگەرا هێرشێن تورکیایێ بۆ سەر رۆژئاڤایێ کوردستانێ و دیار کر، چالاکیێن لەشکەری یێن یەکئالی بۆ سەر باکورێ رۆژهەلاتێ سوریایێ ژ ئالیێ هێز و ئالیان ڤە جهێ دلگرانیێ یە، ب تایبەت د دەمەکی دە کو هێزێن تایبەتێن ئەمریکایێ ل ناڤچەیێ هەنە.

پەیڤدارێ پنتاگۆنێ هەروەسا دەستنیشانکر کو ئەمریکا چالاکیێن ب وی ئاوایی قەبۆل ناکە و د هەمان دەمێ دە تەکید ل سەر ئاسایشا سنورێن تورکیا دکە. هەڤدەم هێزێن سوریایا دەموکراتیک، گرێدایی شەرێ ل دژی داعشێ یە و شەرێ دژی داعشێ ژی ب داوی نەهاتیە.

هـ.ج