سەرنووچە:

گەشتیارەک د دەریاچەیا دوکاندا خەندقی

فۆتۆ: 
2021-05-15

330 جار خوێندراوەتەوە

قایمقامێ قەزا دوکان ڕاگەهاند، ئێڤاریا ئەڤرۆ ل دەمێ مەلەڤانیکرنێدا گەشتیارەکێ رەگەز عەرەب ل د دەریاچەیا دوکاندا خەندقی.

قایمقامێ قەزا دوکان بەحسا وێیەکێ کر، ل دەمێ مەلەڤانیکرنێدا گەشتیارەکێ ب رەگەز عەرەب و ئاکنجیێ پارێزگەها بەغدا د دەریاچا دوکاندا خەندقی.

سیروان سەرحەد قایمقامێ قەزا دوکان دبێژیت، تیمێن مەلەڤانیکرنێ و هێزێن ئاسایش و ناڤخۆ چووینە جهێ بوویەرێ و بزاڤێن دەرئێخستنا تەرمی دکەن.

هەر ئەڤرۆ خێزانەکا سێ کەسی ب مەرەما سەیرانێ سەرەدانا گەلیێ عەلی بەک کربوو و خەندقین، کو هەیا نها تەرمێ کەسەکی ئینایە دەر و گەریان ل دویف تەرمێن دی بەردەوامە.

ئەڤە ددەمەکیدایە، سالانە بوویەرێن ب ڤی ئاوایی ل سەیرانگەهێن هەرێما کوردستانێ دوبارە دبن و هەیا نها حکومەتێ رێکارێن جددی بۆ کێمکرنا بوویەرێن ب ڤی رەنگی ئەنجام نەداینە.