سەرنووچە:

بۆ ئێکەم جار ل عێراقێ ئامیرەیەکێ چارەسەریا کۆرۆنایێ ل دهۆکێ یە

ئەڤ ئامیرە ب تنێ ل دهۆکێ هەیە
فۆتۆ: 
2021-05-15

1160 جار خوێندراوەتەوە

بۆ ئێکەم جار لسەر ئاستێ عێراقێ ئامیرەکێ تایبەت ب نەخوشیا کۆرۆنایێ ژ ئەمریکا گەهشتیە دهۆکێ و پشتی بکارئینانا وی ل ئەمریکا رێژا مرنێ کێمبوویە.

حەمزە رەزیکی پەیڤدارێ ساخلەمیا گشتی یا دهۆکێ بۆ ئێن ئاڕ تی ڕاگەهاند، ئێكه‌م جاره‌ ئه‌ڤ ئامیرە ب ناڤێ (مێتا نێپ) ل سه‌رانسه‌رى عێراقێ دهێته‌ بكارئینان.

بەحسا وێ یەکێ ژیکر، سێ ئامیره‌ هاتنه‌ دابینكرن بو چاره‌سه‌ریا نه‌خۆشێن كۆرۆنایێ، لگورەی زانیاریان ئەڤ ئامیرە ل به‌شێ چاڤدێریا چر ل ئه‌مریكا دهێته‌ بكارئینان.

ئەوژی دا دیارکرن، ئه‌ڤ ئامیره‌ چه‌ندین كارا دكه‌ت بڕێکا سونده‌كی بۆ هه‌ر نه‌خۆشه‌كى سونده‌ك دهێته‌ بكارئینان، ئێك ته‌بخیرێ بۆ نه‌خۆشى دروستدكه‌ت بۆ سێ خۆله‌كان دشێن بۆ نه‌خۆشى بكاربینن، دوو‌ بوریا هه‌وایى پاقژ دكه‌ت ژ بلغه‌مى و پیساتیا ژ ناف سنگێ وى حه‌لدبیت و دێ ئوكسجینا نه‌خۆشى باشتر لێکەت، سێ بێهنا نه‌خۆشى فرەهـ دكه‌ت، ژبەرکو ئوكسجینی دده‌ته‌ سیهان، نەخۆش دشێت رۆژێ سێ جارا نه‌هـ خۆله‌كاندا بكاربینت.

ئاماژە ب وێیەکێ ژیکر، ل ئەمریکا پشتی بکارئینانا ڤی ئامیرەی رێژا مرنێ کێم بوویە، دئێک دەمدا دشیاندا هەیە بۆ چەندین نەخوشان بهێتە بکارئینان.

ڤایرۆسێ کۆرۆنایێ ل داویا سالا ٢٠١٩ێ ل باژێرێ وهانێ ل چینێ سەرهلدا، هەیا نیسانا سالا ٢٠٢٠ێ د تەڤایا جیهانێ دا بەلاڤبوو، هەڤدەم هەیانها ل هەرێمێ ١٥٩ هزار و ٨٩٠ کەس توشی ڤایرۆسێ کۆرۆنایێ بووینە، هەڤدەم  ١٤٢ هزار و ٣٢١ کەس چارەسەربووینە و چار هزار و ١٤٤ کەسان ژی بسەدەما ڤایرۆسی ژیانا خۆ ژدەستدایە.

 No description available.