سەرنووچە:

پەتڕۆلا عێراق بۆ ئەمریکا د هنێریت ژ یا سعودیێ زێدەترە

٢٣٥ هزار بەمیل
فۆتۆ: 
2021-05-15

272 جار خوێندراوەتەوە

فەرمانگەها زانیاری و هێزێ یا ئەمریکا بەلافکریە، کوژمێ هنارتنا پەتڕۆلا عێراقێ بۆ وەلاتێ وان گەهشتیە ٢٣٥ هزار بەرمیلان د رۆژەکێدا و بڤێ یەکێژی ل پێش سعودیێ کەفتیە.

ئەڤرۆ شەمبی، میدیایێن ئەمریکا بەلافکریە، فەرمانگەها زانیاری و هێزێ یا ئەمریکا کوژمێ هنارتنا پەتڕۆلێ بۆ وەلاتێ خۆ ئەشکەراکر.

ئاماژە ب وێیەکێ ژیکریە، د حەفتیا دەربازبوویدا ئەمریکا رۆژانە چار ملیۆن و ٦٤٠ هزار بەرمیل ژ حەفت وەلاتێن جودا هاوردەکرینە.

ئەوژی دیارکر، عێراق رۆژانە کوژمێ ٢٣٥ هزار بەرمیلێن پەتڕۆلێ هنارتینە ئەمریکا، هەڤدەم، سعودیێ ژی کوژمێ ٢٢٤ هزار بەمیلێن پەتڕۆلێ هنارتینە وی وەلاتی.

بەحسا وێیەکێ ژیکر، زێدەترین رێژا پەتڕۆلێ بریتی بوو ژ دوو ملیۆن و ٩٢٤ هزار بەرمیلان، ب پلا ئێکێ ژ کەنەدا ئینایە.

ئەڤە ددەمەکیدایە، فەرمانگەها زانیاریێن هێزێ ل ئەمریکا د راپورتەکێدا کو ل مەها ئادارا ئەڤ سالەدا بەلافکریە و تێدا هاتیە، عێراق رۆژانە ١٦٥ بەرمیلێن پەتڕۆلێ د هنێریتە وی وەلاتی و بهەڤبەرکرن ب دەمێن دەربازبووی ئەو رێژەیە زێدەکریە.