سەرنووچە:

ل گەلی عەلی بەگ خێزانەکا سێ کەسی خەندقین

فۆتۆ: 
2021-05-15

383 جار خوێندراوەتەوە

پشتی نیڤرۆیا ئەڤرۆ خێزانەکا سێ کەسی کو ب مەبەستا گەشتکرنێ سەرەدانا گەلی عەلی بەگ کر بوو، ل دەما مەلەکرنێدا خەندقین و ل گورەی گوتنا بەرەڤانیا شارستانی یا سۆران، تەرمێ وێ ژنێ دیتەڤە و لدیڤ تەرمێ هەڤژین و زاروکێن واندا دگەرن.

بەیار بالەکی پەیڤدارێ رێڤەبەریا بەرەڤانیا شارستانی سۆران بو ئێن ئاڕ تی ڕاگەهاند، سێ گەشتیار کو ئەندامێن ئێک خێزانن و خەلکێ شنگالێ بوون، بۆ گەشتکرنێ سەرەدانا گەلیێ عەلی بەگ کربوو خەندقین و ژیانا خۆ ژدەستدا.

ئەو یەک ژی بەرچاڤکر، ئەو سێ ئەندامێن خێزانەکێ کو خەندقینە، ژن و زەلام و زاروکەکن و بویەر ب وی جۆری بوو کو زارۆک دچیتە ناڤ ئاڤێ و د خەندقیت و پاشان بابێ وی بۆ رزگارکرنا زارۆکی و ئەو ژی د خەندقیت و پاشان ژی دایکا زارۆکی بدیڤدا دچیت ئەو ژی ب هەمان ئاوا د خەندقیت.

پەیڤدارێ رێڤەبەریا بەرەڤانیا شارستانی یا سۆران ئاماژە ب وێ یەکێ ژی کریە، تا نها بتنێ تەرمێ زارۆکی دیتیەڤە و گەریان بدیڤ تەرمێ ژن و زەلامیدا بەردەوامە.

ئەو ژی ل دەمەکیدایە، سالانە بویەرێن بڤی ئاوای ل سەیرانگەهێن هەرێما کوردستانێدا دووبارە دبن، بتنێ ل سالا دەربازبوویدا ل گەلی عەلی بەگ هەشت گەشتیار خەندقی بوون.

هـ.ر