سەرنووچە:

جێگرێ سەرۆکێ حکومەتا هەرێمێ ل سالیادا دامەزراندنا ئێکەتیا مامۆستایان پەیامەک بەلاڤکر

فۆتۆ: 
2021-05-15

274 جار خوێندراوەتەوە

قوباد تالەبانی، جێگرێ سەرۆکێ حکومەتا هەرێما کوردستانێ ل پەیامەکێ دا ب هەلکەفتا ٥٩مین سالیادا دامەزراندنا یێکەتیا مامۆستایێن کوردستانێ ڕاگەهاند، "ئەڤ رێکخراوا تێکۆشەر مل ب ملێ بزاڤا رزگاریخازا گەلێ مە بەردەوام بوو ل قوربانیدان و کارکرن بۆ فێرکرنا نەڤیێن ڤی گەلی".

ئاماژە ب وێ یەکێ ژی دا، "دڤێ قوناغێ دا و ل بەرامبەر وەفاداری و بەخشینا بەردەوام و بەرگەگرتنا ماموستایان بۆ وان هەمی بارێن نەهەموار یێن هەریما مە تیدا دەربازبووی، سوپاسدارێن وانین کو بەردەوام ل برەودان ب گۆرەپانا پەروەردەیی و هەلگرتنا مەشخەلا زانست و فێرکرنێ".

دبێژیت ژی، حکومەتا هەرێما کوردستانێ شانازیێ ب ئارامگرتن و بەردەوامیا ماموستایان دکەت کو زێدەباری قەیرانان ل خەما بەردەوامیا پرۆسەیا خاندنێ دا بوون.

ل ١٥ی ٥ یا ١٩٦٢ێ رێکخراوا یێکەتیا ماموستایێن کوردستانێ وەکی ئێکەم رێکخراوا پیشەیی ب فەرمی پەسەندکر.

هـ.ر