سەرنووچە:

نویترین پەیاما وەزارەتا پەروەردێ دەربارەی دەستپێکرنا خاندنێ ل قوتابخانادا

فۆتۆ: 
2021-05-15

442 جار خوێندراوەتەوە

وەزارەتا پەروەردێ دەربارەی دەستپێکرنا خاندنێ ل قوتابخانادا ڕاگەهاندنەک بەلاڤکر و تێدا هاتیە، ل ئێکشەمبی ١٦/٥/٢٠٢١ ب ئاوایێ بەنۆرە، بۆ قۆناغا (ئێکێ سەرەتایی تا یازدێ ئامادەیی) یا (حکومی- نەحکومی) و ئەو قوتابخانێن گوندان، کو بەری نها سێ رۆژا د حەفتیەکێ دا دەوام کریە لسەر ئێک، ب هەمان ئاوا دێ بەردەوام بن.

دەقێ ڕاگەهاندنێ:

ئاماژە ب وان دەستهەلاتێن ل جڤینا ١٠/٣/٢٠٢١ لیژنا بلندا بەرهنگاربوونا ڤایرۆسێ کۆرۆنایێ دایە مە، ل پشتی گوتوبێژان دگەل بەرێزان سەرۆک و ئەندامێن لیژنا بلندا بەرهنگاربوونا کۆرۆنایێ، مە بریار یا دای:

  • 1-دەستپێکرنا پرۆسەیا خاندنا ناڤ پۆلێ ل ئێکشەمبی ١٦/٥/٢٠٢١ ب ئاوایێ بەنورە، بۆ قۆناغا (حکومی-نەحکومی) و وان قوتابخانێن گوندان، کو بەری نها سێ رۆژا د حەفتیەکی دا دەوام کریە لسەر ئێک، ب هەمان ئاوا بەردەوام بن.
  • 2-پێتڤیە هەمی ئالی پابەند بن ب رێنمایێن ساخلەمیێ. دەستهەلاتا دیڤچوونێ بۆ جێبەجێکرنا رێنمایێن ساخلەمیێ، ژبلی سەرۆکێ یەکەیێن کارگێری و تیما ساخلەمیێ، دێ هێتە دان بۆ رێڤەبەرێن پەروەردەیێن قەزا و سەرپەرشتیارێن هەڤالێن رەخنەگر، کو پێتڤیە چاڤدێریەکا هویرا جێبەجێکرنا رێنمایێن ساخلەمیێ بکەن.
  • 3-ل حالەتێ توشبون و چارەسەرکرنا کۆرۆنایێ ل ناڤەندێن خاندنێ ب هەڤبەندی دناڤبەرا ساخلەمی و پەروەردەیا پارێزگەهان، ب سەرپەرشتیا بەرێز پاریزگار و سەرپەرشتیارێ ئیدارەیێن سەربەخۆ بیت.
  • 4-خودانێن قوتابیان و خویندکاران، ئەگەر ئارەزوو هەبیت زارۆکێ وان دناڤ پولێ دا نەخوینیت، دشێن ل حەفتیا ئێکێ یا دەستپیکرنا خاندنێ فۆرما سوزنامێ تژی بکەن، کو ب خاندنا ئەلیکترۆنی و پالپشتیا مالێ بەردەوام دبن، لێ تاقیکرنێن داویا سالێ ل ناڤپولێ دێ هێنە جێبەجێکرن.
  • 5-وەزارەتا پەروەردێ، سەرەرای سوپاسی بۆ هەمی رێڤەبەر و هاریکار و وان ماموستایێن بەرێز یێن رۆل هەی ل خاندنا ئەلیکترۆنی و دروستکرنا گروپێن تیلگرام و ڤایبەر و... هتد، وەسا پێتڤی دکەت بەردەوام بن ل کارێن خۆ و لیژنا خاندنا ئەلیکترۆنی ل قوتابخانان ب کارایی بمینن، برێکا وی ئاوایێ پەیوەندیکرنێ، کو هاتیە بکارئینان. دشێت وان سێ رۆژێن قوتابی ل ناڤپۆلێ نینە، ئەرکێ مالێ زێدەتر پێددەت و گرنگیێ ب شیانێن فێربوونێ بدەت، بتنێ وان بابەتان کو پێتڤیە تاقیکرنا لێبکەن، دگەل خشتەیێ بەشە وانەیان، کو ل گشتاندنا رێڤەریا گشتیا بەرنامە و چاپەمەنیێن وەزارەتاندا هاتیە و بەری نها ڕاگەهاندیە و بۆ دامەزراوێن وەزارەتێ هنارتینە، ل ڤی روانگەی کارێ لیژنا خاندنا ئەلیکترۆنی دێ بەردەوام بیت.

هـ.ر