سەرنووچە:

وەزیرێ پێشمەرگە: لێکتێگەهشتنا باش دناڤبەرا پێشمەرگە و ئارتێشا عێراقێ د رۆژەڤێ دا یە

فۆتۆ: 
2021-05-13

188 جار خوێندراوەتەوە

وەزیرێ پێشمەرگەیێ هەرێمێ د کڤانێ سەرەدانەکێدا بۆ هەردوو میحوەرێن باشیک و خازر-موسل ڕاگەهاند، لێکتێگەهشتنا باش دناڤبەرا پێشمەرگە و ئارتێشا عێراقێ د رۆژەڤێ دا یە.

ئەڤرۆ پێنجشەمبی، شۆرش ئیسماعیل وەزیرێ پێشمەرگەیێ حکومەتا هەرێما کوردستانێ د سەرەدانەکێدا بۆ هەردوو میحوەرێن باشیک و خازر-موسل پیرۆزباهیا جەژنێ ل پێشمەرگەیان کر و ڕاگەهاند، هیڤیخازم ئەڤ جەژنە ببیتە ئەنجامێ سەقامگیریا زێدەتر و دەستکەفتێن مەزنتر بۆ گەلێ مە، دڤێ جەژنێ دا دووپاتدکەین ب یێکهەلویستی و تەبایی و یێکگرتوویی، پێکڤە کوردستانا خۆ دێ پارێزین."

وەزیرێ پێشمەرگە بەحس ژ وێ یەکێ ژی کر، "جهێ دلخۆشیا مە و هەمیانە هێزا پێشمەرگە ل تەڤایا ناڤچەیان سەنگەرێن خۆ ب روویێ تیرۆرستان بهێز و موکمە، بەردەوام ئامادەنە بەرامبەر تیرۆرستان بجەنگن"، گوتژی، "ئەم وەکی وەزارەتا پێشمەرگە هەمی پالپشتی و پشتەڤانیا خۆ دووپاتدکەین بۆ بهێزکرنا شیانێن سەربازی و لۆجیستی بۆ بەرهنگاربوونا تیرۆرستان و تێکشکاندن و ژناڤبرنا وان."

ئەو ژی ددەمەکیدایە، دەمەکە چەکدارێن داعش دەست ب لڤینا کریە و فەرماندەیێن پێشمەرگە ژی ل خۆ رێکخستنێ هۆشداریێ ددەن و داخاز دکەن بۆشایێن دناڤبەرا پێشمەرگە و ئارتێشا عێراقێ بهێنە تژیکرن.

شەڤا دەربازبووی ژی، ل سنورێ ناحیا زینانە چەکدارێن داعش هێرشکرە سەر هێزێن پێشمەرگە و ژ سەدەما وێ یەکێ، پێشمەرگەیەک شەهید بوو.

هـ.ر